Jetimderdi jebemekshi

Semeıde qala ákimi janyndaǵy qoǵamdyq keńestiń kezekti otyrysy ótti. Bul otyrysta jetim jáne ata-anasynyń qamqorlyǵynsyz qalǵan balalardy qoldaý máselesi sóz boldy. Qalalyq bilim bóliminiń bastyǵy Gúljan Altynbekova habarlaǵandaı, qaladaǵy 18 jasqa deıingi balalardyń jalpy sany 97 214, onyń ishinde 847-si jetim jáne 398-i ata-anasyz qalǵan bala qamqorlyqqa alynsa, 13 bala patronattyq tárbıege, 62 bala asyrap alýǵa berilgen. 304 bala balalar úılerinde bolsa, 70 bala sábıler úıinde. 2011 jyly oblys ákiminiń bastamasy boıynsha jetim jáne ata-anasynyń qamqorlyǵynsyz qalǵan balalardy qoldaý jónindegi 2011-2015 jyldarǵa arnalǵan keshendi jos­par qabyldandy. Onyń negizgi maqsaty qoǵam men jeke bıznesti jetimder máselesin sheshýge tartý bolyp tabylady. Jetim jáne ata-anasynyń qamqorlyǵynsyz qalǵan balalardy áleýmettik qoldaý maqsatynda «Turǵyn úı qurylys jınaq banki» AQ ákimshiligi turǵyn úı-qurylys qarajatyn jınaqtaý týraly shart somasynan 0,5 paıyz mólsherinde komıssııalyq alymyn almaı sharttar jasaýdy júzege asyrady. Kásiporyndardyń patronattyq tárbıesindegi balalar kámeletke jetken soń osy kásiporyndarda kepildi túrde jumysqa ornalasady jáne jekemenshik turǵyn úı alady. О́ıtkeni, patronattyq tárbıeshiler balalar úılerinen shyqqanda jekemenshik turǵyn úı alý úshin birneshe jyl boıy Qazaqstannyń «Turǵyn úı qury­lys jınaq banki» shotyna belgili bir soma salady. Sondaı-aq, Balalar men jas­tar­dyń shyǵarmashylyǵy saraıynda jetim jáne ata-anasynyń qamqorlyǵynsyz qalǵan balalardy qoldaý jónindegi 2011-2015 jyldarǵa arnalǵan keshendi jospar sheńberinde «Meıirim» qaıyrymdylyq keshi ótken bolatyn. Osy qaıyrymdylyq kesh barysynda jetim jáne ata-anasynyń qamqorlyǵynsyz qalǵan balalardy áleýmettik-patronattyq qoldaý jónindegi ózara yntymaqtastyq týraly 18 áleýmettik sharttarǵa qol qoıyldy. Internattyq mekemelerdiń 237 tárbıelenýshisi kásiporyndar men mekemelerge bekitilgen. Bú­ginde olardyń «Turǵyn úı qury­lys jınaq bankindegi» shottaryna 16 mln. teńgeden astam qarajat tús­ken. 2013 jyldyń 1 naýryzyna jetim jáne ata-anasynyń qamqor­lyǵynsyz qalǵan 67 bala patro­nattyq uıymdarǵa áli bektilmegen. Otyrys barysynda qoǵamdyq keńes músheleri jetim balalardy áleýmettik-patronattyq qoldaýǵa kásipkerler men bankterdi tartýdyń qajet ekenin atap ótti. Internat jetekshileri bolsa, jetim bala úshin turǵyn úıge qol jetkizýdiń óte mańyzdy ekenin aıtty. Sebebi, jumysqa ornalasý úshin turǵylyqty tirkelý talap etiledi, al tirkelý úshin turǵyn úı qajet ekeni belgili. Raýshan NUǴMANBEKOVA, jýrnalıst. Semeı.