Kıno • 04 Jeltoqsan, 2022

«Bastaý» kınofestıvaliniń jeńimpazdary anyqtaldy

165 ret kórsetildi

3 jeltoqsanda Almatyda X Mereıtoılyq Halyqaralyq «Bastaý» stýdenttik jáne debıýttik fılmder kınofestıvaliniń jabylý saltanaty bolyp ótti. Festıvaldiń qazylar alqasy kınokórsetilimderdi qorytyndylap, birneshe nomınasııa boıynsha jeńimpazdardy anyqtady, dep jazady Egemen.kz.

Grýzın rejısseri Georgıı Ovashvılı tóraǵalyq etken halyqaralyq qazylar alqasy Bastau DEBUTS baǵdarlamasynda Bolıvııadan kelgen «Ýtama» kartınasyn úzdik dep tanydy. Rejısser Alehandro Loaıs Grızıdiń fılmi kechýa ultynyń qart juby týraly baıandaıdy. Týyndy aqpan aıynda áıgili «Sandens» festıvalinde «Álemdik kıno» baǵdarlamasynda Gran-prı jeńip alǵan jáne bıyl Bolıvııadan «Shet tilindegi úzdik fılm» nomınasııasy boıynsha «Oskar» syılyǵyna usynylyp otyr.

Úzdik rejısserlik jumys úshin júlde fransııalyq Alı Cherrıge «Bóget» kartınasy úshin berildi, al akterlik nomınasııalarda ındonezııalyq Arsvendı Benıng Svara («О́mirbaıan» fılmi úshin) jáne chılılik Alın Kýppengeım («1976» fılmi úshin) jeńiske jetti. Chılı, Argentına jáne Katardyń birlesken ónimi - «1976» qazylar alqasynyń arnaıy syılyǵyn da utyp aldy.

«Mundaı festıvalder jastar úshin, alǵashqy qadamdaryn jasaıtyn stýdentter úshin óte mańyzdy. Bul ómirge degen jáne bizdiń isimizge degen úlken motıvasııa. Ásirese debıýt úshin óte mańyzdy – al bizder, qazylar alqasy úshin bul úlken jaýapkershilik. Sondyqtan siz júlde aldyńyz ba, joq pa, mańyzdy emes - fılmdi túsirip shyǵarǵanyńyzdyń ózi - jeńis. Sol úshin de kúresýdi toqtaptańyzdar, sonda ǵana jeńiske jetesizder», dedi sahnadan halyqaralyq qazylar alqasynyń tóraǵasy G. Ovashvılı.

Festıvaldiń úzdik qysqametrajdy kórkem fılmi nomınasııasynda qazaqstandyq rejısser Roman Chernıkovtyń «Nına» kartınasy jeńiske jetti.

Sonymen birge BASTAU SHORTS baǵdarlamasynyń qazylar alqasy kelesi nomınasııalar boıynsha jeńimpazdardy anyqtady:

Úzdik anımasııalyq qysqametrajdy fılm – «Tún» Ahmad Saleh, Palestına.

Úzdik qysqametrajdy derekti fılm – «Everestti baǵyndyrý» Bınoda Adhıkarı, Nepal.

Qazylar alqasynyń arnaıy júldesi – Azamat Búkeshovtiń «Jazdyń eń uzaq kúni», Qazaqstan.

Erekshe atalym – «Alıf.Do-re-mı» Alıdjon Djalılov, Tájikstan.

BASTAU DOCS baǵdarlamasynda bas júlde vetnamdyq Ha Le Dımniń «Tuman balalary» atty derekti kartınasyna ózektiligi men beınesi, áleýmettik problemanyń kórinisi jáne óńirimizge jaqyndyǵy úshin berildi.

 

Sondaı-aq, qazylar alqasy ızraıldik Shır Nıýmannyń «Únsizdik týraly aıtý» kartınasyn urpaqtar arasyndaǵy dıalog múmkindikteri men jeke oqıǵa arqyly halyq tarıhyna degen kózqarastyń maǵynalylyǵy úshin jáne bangladeshtik Hýmaıra Bılkıstiń dástúrli qoǵamdaǵy jeke bostandyq tarıhyn izdegeni úshin «Men anama eshqashan aıtpaıtyn nárse» kartınasyn erekshe atap ótti.

Halyqaralyq stýdenttik qazylar alqasy rejısser Maksım Sevrınovskııdiń «Rotshıld skrıpkasy» atty reseılik kartınaǵa festıvaldiń eń úzdik qysqametrajdy fılm ataǵyn berdi. Sonymen qatar, qyrǵyzstandyq Eldııar Madakım túsirgen «Salvador Dalı» kartınasy da erekshe atalyp ótti.

Bıyl festıvalde alǵash ret jumys istegen NETPAK qazylar alqasy ózbek rejısseri Dılshodbek Ýsmonovtyń "Montaj" fılmine óz júldesin usyndy, al «Ortalyq Azııanyń úzdik fılmi» retinde «Bastaý» festıvali Prezıdentiniń arnaıy júldesi rejısser Ernest Ábdijaparovtyń «Áńgimeshi» kartınasyna berildi. Týrkııadan kelgen rejısser Mert Harmandar «2300 shaqyrym» kartınasy úshin «Kórermender kózaıymy» syılyǵyn aldy.

«Barshańyzǵa úlken alǵysymdy aıtqym keledi. Eń bastysy - kıno merekesi bolyp ótti. Osy bes kúnde biz festıvaldan barlyq qıynshylyqtardy, narazylyqtardy, túsinispeýshilikterdi jeńetin kúsh-qýat aldyq», dep qorytyndylady festıval prezıdenti Sergeı Ázimov.

Bıylǵy jyly barlyq Gran-prılerge aqshalaı syılyqtar da berildi. Esterińizge sala ketsek, H «Bastaýǵa» 40-tan astam elden 60-qa jýyq kartına festıval marapattary úshin básekege tústi. Bul festıvaldiń ózindik geografııalyq rekordy.

Jyl saıynǵy osy kıno merekesin Almaty qalasy ákimdiginiń qoldaýymen «Tanaris Production» kınokompanııasy uıymdastyrady. Festıvaldiń seriktesteri – QR Mádenıet jáne sport mınıstrligi, T. Júrgenov atyndaǵy Qazaq ulttyq óner akademııasy, «Turan» ýnıversıtetiniń Turan Film Academy joǵary mektebi jáne Ál-Farabı atyndaǵy Qazaq ulttyq ýnıversıteti.

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Uqsas jańalyqtar