Aımaqtar • 04 Jeltoqsan, 2022

Sábıdiń ómirin saqtap qaldy

136 ret kórsetildi

Oblystyq kópsalaly aýrýhanaǵa qarasty perınataldyq ortalyqtyń dárigerleri kúrdeli operasııa jasap, sábıdiń ómirin saqtap qaldy. Qordaı aýdandyq aýrýhanasynda dúnıege kelgen perishte júktiliktiń 36 aptalyq kezeńinde ıaǵnı, merziminen buryn dúnıege kelgen. Atalǵan ortalyqtyń mamandary buǵan deıin de birneshe márte balalardyń ómirine tóngen qaýipti der kezinde toıtarǵan edi.

Mamandardyń aıtýynsha, sábıdiń boıyn meńdegen dert belgileri ekinshi kúni baıqalǵan. Gıdrosele dıagnozy aldyn ala qoıylǵanymen, aýrýhanaǵa kelerden bir kún buryn ná­res­­te qatty mazasyzdanǵan, skrotaldi isiný belgileri baı­qal­ǵan eken. Jedel iske kirisken aq jeleńdi abzal jandar skrotaldy sındrom dıagnozyn qo­ıyp, oǵan shuǵyl túrde kómek kór­setken. Dárigerlerdiń shuǵyl konsılıýmy­nan keıin bala ob­lys­tyq kóp­beıindi aýrý­ha­nanyń pe­rı­na­taldyq blogyna aýys­ty­­ryl­­ǵan. Osylaısha jaǵ­daı tolyq baqylaýǵa alynǵan.

Tekserý nátıjesinde dáriger­ler sábıdiń jaǵdaıynyń tym nasharlap ketkenin anyqtaǵan. Ishi­niń isingeni, palpasııa kezinde qatty qınalatyny naqtylanǵan. Qysqasy, aq jeleńdi abzal jandar shuǵyl túrde operasııa jasaý týraly sheshim qabyldaǵan. Keıinnen ish qýysyn teksergen kezde asqazannyń perforasııasy anyqtalyp, mamandardyń jedel iske kirisýimen jaǵdaı qalypqa keltirilgen.

Joǵary sanatty balalar­­ en­do­skopıst-hırýrgi Nur­tý­ǵan­ Álqýatovtyń aıtýyn­sha, sátti jasalǵan operasııa­dan keıin bala mamandardyń ba­­qy­­laýyna alynǵan. Búginde dári­­gerler Lora Asanova men Shapqat Qudaıbergenov sábıdiń em-sharasyn tolyqtaı baqylap otyr.           

Sábıdiń ómirin saqtaımyz dep ábigerge túsken dárigerlerdiń aıtýynsha, áýelde náresteniń tamaqtanýynyń ózi qıyndaı túsken. Alaıda operasııa jasal­ǵan soń bir aptadan keıin ol enteraldy tamaqtandyrýǵa aýys­tyrylǵan. Búginde jaǵdaıy bir­qalypty.

 

TARAZ

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar