Hokkeı • 05 Jeltoqsan, 2022

«Barys» taǵy jeńildi

36 ret kórsetildi

Elordanyń «Barysy» Qurlyqtyq hokkeı lıgasyndaǵy (QHL) kezekti týr oıynyn óz muzaıdynynda ótkizip, jankúıerlerin taǵy da jerge qaratty.

 

Syrt aıdyndaǵy oıyndar serııasyn jeńispen túıindep, Qazaqstanǵa kóterińki kóńil kúımen oralǵan «Barys» hokkeıshileri bul joly Ekaterınbýrgtiń «Avtomobılısin» jeńe almady. Andreı Skabelka muzaıdynǵa ótken týrda «Traktordy» tize búktirgen negizgi quramdy shyǵarsa da, shákirtteri sol erligin qaıtalaı almady.

«Barys Arenadaǵy» básekeniń alǵashqy kezeńinde eki komandanyń da oıynshylary mergendigimen kózge túse almady. Ekinshi kezeńdi belsendi bastaǵan qonaqtar 35-mınýtta óz degenderine jetti. Sergeı Zborovskııden pas alǵan Pavel Kýlıkov Gýdachek qorǵaǵan qaqpany dál kózdedi – 1:0. Úshinshi kezeńde tarazy basyn teńestiremiz dep júrip qorǵanysty umyt qaldyrǵan «Barys» matchtyń aıaqtalýyna sanaýly mınýt qalǵanda óz qaqpasyna ekinshi shaıbany ótkizip aldy. Goldyń avtory – Brýks Meısek. Al oǵan nátıjeli pasty «Barystyń» eks-oıynshysy Kertıs Volk shyǵarǵanyn aıta ketken jón. Qorytyndy esep – 2:0, qonaqtardyń paıdasyna. «Barys» bıylǵy maýsymda «Avtomobılısten» osymen úshinshi márte jeńildi. Jerlesterimiz keshe óz aıdynyndaǵy ekinshi oıyndy О́feniń «Salavat Iýlaev» klýbymen ótkizdi.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar