Tarıhqa úńiler bolsaq, táýelsiz Qazaqstannyń alǵashqy chempıonaty osy oblystaǵy Ekibastuz qalasynda 1993 jyly uıymdastyrylǵan. Al 2016 jyly Kereký óńiri elimizdegi basty básekeni ekinshi márte qabyldady. Araǵa alty jyl salyp boksshylar taǵy da Pavlodarda bas qosty.
Aldaǵy kúnderi respýblıkalyq mańyzy bar 3 qala men 17 oblystyń komandasy kúsh synasady. IBA erejesi boıynsha bıylǵy el chempıonatynda 13 salmaqtyń (48, 51, 54, 57, 60, 63,5, 67, 71, 75, 80, 86, 92, +92 kg) úzdikteri anyqtalmaq. Chempıonatqa 2004 jylǵa deıin dúnıege kelgen sportshylar qatysyp jatyr.
