Aımaqtar • 06 Jeltoqsan, 2022

Qaraǵandylyq kásipkerler 50 mıllıon teńgege deıin nesıe ala alady

102 ret kórsetildi

Qaraǵandy ​​oblysynyń kásipkerleri qosymsha memlekettik qoldaýǵa ıe bolady. Osy maqsatta oblysta arnaıy «Kásipker» baǵdarlamasy ázirlendi. Monoqalalar men oblys ortalyǵynyń shaǵyn jáne orta bıznes ókilderi bıznesin damytý úshin jeńildikpen nesıe ala alady, dep habarlaıdy Egemen.kz.

Kásipkerlerdiń ótinishterin qabyldaý jeltoqsan aıynyń ekinshi jartysynda bastalady. Baǵdarlamany iske qosýǵa 500 mıllıon teńge bólindi. Onyń jartysy  Qaraǵandy ​​oblysynyń ákimdigine, qalǵan 250 mıllıon teńge «Damý» qoryna bólindi. 2023 jyly nesıe portfelin mıllıard teńgege jetkizý josparlanýda.

«Bir kásipkerge beriletin nesıe somasy jyldyq 5 paıyzben 50 mıllıon teńgeden aspaıdy. Nesıe merzimi 5 jylǵa deıin. Kepildik jetkiliksiz bolǵan jaǵdaıda «Damý» Qory nesıe somasynyń 85%-ǵa deıin ishinara nesıege kepildik berý quralyna memlekettik qoldaý kórsetedi», dedi kásipkerlik bóliminiń basshysy Nurlan Álimjanov.

Nesıe berý «Bank SentrKredıt» jáne Bank RBK arqyly ótedi.

Kólik jáne qoımalaý; turý jáne tamaqtandyrý qyzmetteri; aqparat jáne kommýnıkasııa; kásiptik, ǵylymı jáne tehnıkalyq qyzmet; jalǵa berý; týroperatorlar, týragentter jáne týrızm salasynda qyzmet kórsetetin basqa da uıymdar; bilim berý; densaýlyq saqtaý jáne áleýmettik qyzmetter; sport, demalys jáne oıyn-saýyq; kompıýterlerdi, jeke zattar men turmystyq zattardy jóndeý; basqa da jeke qyzmetterdi kórsetý degen salalardaǵy kásipkerler jeńildetilgen nesıeni ala alady.

Nurlan Álimjanovtyń aıtýynsha, bul salalardaǵy kásipkerlerdi qoldaý jergilikti óndiristi keńeıtip, kásipkerlik belsendilikti arttyrady.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar