Ádebıet • 07 Jeltoqsan, 2022

«Aıboz» darabozdary anyqtaldy

93 ret kórsetildi

Mádenıet jáne sport mınıstrligi bıyl tuńǵysh ret shyǵarmashyl jandarǵa arnalǵan «Aıboz» ulttyq ádebı syı­lyǵyn jarııalaǵan edi. Jalpy júlde qory 35 mln teńgeni quraıtyn aýqymdy baıqaýdan úmittiler kóp boldy. Desek te baq shaba ma, bap shaba ma?..

Jeti atalym boıynsha berile­tin ádebı syılyqqa bar­lyǵy 402 ótinim kelip túsken. Onyń ishinde qazylar alqasynyń tańdaýymen 49 shyǵarma (ár atalym boıynsha 7 shyǵarmadan) aqtyq kezeńge ótti. Búgin, mine, birneshe aıǵa sozylǵan dúbir­li doda máresine jetip, jeńim­pazdary anyqtaldy.

Sonymen «Úzdik poezııa» nomınasııasy boıynsha «Jumbaq aral» poemasymen «Egemen Qazaqstan» gazetiniń qyzmetkeri Batyrhan Sársenhan, «Úzdik proza» atalymynda «Tyrnaq» áńgimesimen Aıgúl Kemelbaeva, «Úzdik dramatýrgııa» nomınasııasy boıynsha «Myń men jalǵyz...» pesasymen Talǵat Temenov, «Úz­dik aýdarma» – Stefan Sveıg­tiń «Amok», «Baqılyq aǵa­nyń kóz jasy» novellalary­men Kenje­baı Ahmetov, «Úzdik balalar ádebıeti» – «Izder qupııasy» detek­tıvtik romanymen Beken Yby­raıym, «Úzdik komıks» – «Jet­pis palýan» komıksimen Jantas Nabıollauly, «Úzdik kitap dızaıny» – «Kenesary han ýa sultan Sydyq» kitabymen «AmalBooks» baspasy úzdik dep tanyldy. Ár nomınasııanyń jeńimpazyna 5 mln teńge syıaqy tapsyrylady.

Aıta keteıik, bıyl alǵash ret ótkizilip otyrǵan ulttyq ádebı syılyqtyń laýreattaryn marapattaý rásimi 8 jeltoqsan kúni Almaty qalasy, Jambyl atyndaǵy fılarmonııa zalynda, saǵat 16:00-de ótedi.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar