Elshi Feısal ál-Faıezdy Parlament Senatynyń Tóraǵasy qyzmetine qaıta saılanýymen quttyqtap, oǵan Qazaqstan Parlamenti Senatynyń Tóraǵasy Máýlen Áshimbaevtyń atynan quttyqtaý hatty tabys etti.
Kezdesý barysynda taraptar Qazaqstan men Iordanııa arasyndaǵy ekijaqty yntymaqtastyǵynyń qazirgi jaǵdaıy týraly pikir almasty. Qazaqstandyq dıplomat Feısal ál-Faıezdi 2022 jylǵy 20 qarashada Qazaqstanda ótken prezıdenttik saılaýdyń qorytyndylary jaıly habardar etti. Sondaı-aq jańadan saılanǵan QR Prezıdenti Qasym-Jomart Toqaev jarııalaǵan aýqymdy saıası jáne ekonomıkalyq reformalar týraly aıtyp berdi.
Iordanııa senatynyń tóraǵasy Qazaqstanda ótken saılaýǵa joǵary baǵa berip, jańa 7 jyldyq merzimde Qazaqstan Prezıdentiniń eldiń saıası, áleýmettik-ekonomıkalyq júıesin jańǵyrtý jónindegi qadamdary tıimdi iske asatynyna senim bildirdi.
