Senat Tóraǵasy Máýlen Áshimbaev jańadan saılanǵan Joǵarǵy sot tóraǵasyn jańa qyzmetimen quttyqtap, jaýapty qyzmetine tabys tiledi.
«Men, Merǵalıev Aslambek Amangeldiuly, ózimniń mindetterimdi adal jáne sanaly túrde atqarýǵa, sot tóreligin júzege asyrýǵa, Qazaqstannyń Konstıtýsııasy men zańdaryna ǵana baǵynýǵa, sýdıanyń mindeti maǵan buıyrǵandaı beıtarap jáne ádil bolýǵa saltanatty túrde ant etemin», dedi Aslambek Merǵalıev.
Ol buǵan deıin Aqtóbe oblystyq sotynyń tóraǵasy qyzmetin atqarǵan.
Aslambek Merǵalıev 1972 jyly 2 sáýirde Pavlodar oblysynda dúnıege kelgen. Bilimi zańger, Ystanbul memlekettik ýnıversıtetin bitirgen.
1998-1999 jj. Ekibastuz qalasyndaǵy jeke fırmada zańger bolyp qyzmet atqarǵan;
1999-2001 jj. Pavlodar oblysy Ádilet departamentiniń bas mamany;
2001-2003 jj. Pavlodar oblystyq sotynyń bas mamany;
2003-2007 jj. Pavlodar qalalyq sotynyń sýdıasy;
2007-2008 jj. Pavlodar oblysy Ekibastuz qalasynyń mamandandyrylǵan ákimshilik sotynyń tóraǵasy;
2008-2012 jj. Pavlodar oblysy Ekibastuz qalasy sotynyń tóraǵasy;
2012-2014 jj. Pavlodar qalasynyń No2 sotynyń tóraǵasy;
2014-2015 jj. Soltústik Qazaqstan oblystyq sotynyń qylmystyq ister jónindegi apellıasııalyq sot alqasynyń tóraǵasy;
2015-2020 jj. Qostanaı oblystyq sotynyń tóraǵasy;
2020 jyldan bastap Aqtóbe oblystyq sotynyń tóraǵasy bolyp qyzmet atqarǵan.
Buǵan deıin Jaqyp Asanovtyń Joǵarǵy sot tóraǵasy qyzmetinen bosatylǵanyn habarlaǵan edik. Bul qyzmette ol bes jyl qyzmet etti.
