Aqparattar aǵyny

* «Azyq-túlik kelisimshart korporasııasy» óńirlerge arzan baǵamen 156 myń tonna astyq jóneltti. Aksıonerlik qoǵam memlekettik satylý resýrstarynan nan men un baǵalaryn turaqtandyrý úshin astyqtyń tonnasyn 28 300 teńgeden bóldi. Sonymen qatar, oblystarǵa kommersııalyq baǵamen 17 myń tonna astyq jiberildi. * Qazaqstanda 20 mln. dollarǵa «jasyl» mektepter men aýrýhanalar salynady. Bul jumystar Qazaqstan men Ortalyq Azııadaǵy Búkilálemdik banktiń energııa tıimdiligi jobasy boıynsha júzege asyrylady. Joba 2017 jylǵa qaraı aıaqtalady dep kózdelip otyr. * Qaraǵandy oblysynda bıyl 3,9 mlrd. teńgege 16 jobany júzege asyrý kózdeldi.  Olar 2012-2020 jyldary Jezqazǵan, Sátbaev qalalary men Ulytaý aýdanyn áleýmettik-ekonomıkalyq damytýdyń keshendi josparyn júzege asyrýǵa baǵyttalǵan. * О́skemende Qazaqstan men Reseı tarıhshylary óńirdiń ótkeni men keleshegi jaıyn talqylady. «Totalıtarlyq bılik jáne XX ǵasyrdyń 20-50-shi jyldaryndaǵy halyq» degen taqyryppen ótken halyqaralyq ǵylymı-tájirıbelik konferensııada tarıh sabaqtarynan qorytyndy shyǵarý týraly aıtyldy. Jıyndy júrgizgen Shyǵys Qazaqstan oblysy ákiminiń orynbasary Nurlybek Sherýbaev basqosýdyń alǵa qoıǵan maqsatyn tolyq oryndaǵanyn málim etti. * Ústimizdegi jyly 22 467 qyzylordalyq oqýshy jazǵy tynyǵý lagerlerine joldama aldy. Bul jaıynda sóz etken qala ákimi Nurlybek Nálibaev budan bólek, 10 synypty bitirgen 2 145 oqýshynyń jazǵy eńbek  brıgadalaryna 10 kúndik jumysqa, 7 500 oqýshynyń kópqabatty turǵyn úıler aýlasyndaǵy 177 sport alańy men mektepter seksııalaryna baratynyn  aıtty. *Astananyń «Barys» hokkeı klýby óziniń fırmalyq aýyzsýyn shyǵardy.  Klýb baspasóz qyzmeti habarlaǵandaı, aýyzsý jaqyn kúnderi elimizdegi barlyq saýda oryndarynda satylady. Bir aıtatyn jaıt, bul «Barystyń» birinshi jeke ónimi emes. Klýb bıylǵy naýryzdan «Shaıba» jáne «Bizdiń jeńis» atty balmuzdaqtar shyǵara bastady. «QazAqparat», BNews.kz, «Qazaqstan jańalyqtary», Altaynews.kz, Egemen.kz agenttikteri men «Znamıa trýda» gazetiniń saıttary derekteri boıynsha daıyndaldy.