Bala aǵalarymen aıdalada mal baǵyp júrip adasyp ketken. Ony izdeýge 70 adamnan turatyn izdeý-qutqarý toby kiristi. Sondaı-aq olarǵa David Sheldrick Trust uıymy kómektesip, joǵalǵan balany áýeden izdeı bastaǵan.
Tolassyz jaýyn saldarynan balanyń izin tabý múmkin bolmaı qalǵan.
«Tórt saǵattyq izdestirýden keıin biz bos janarmaı bagynan basqa eshteńe tappadyq. Sondaı-aq jyrtqyshtardy kezdestirdik. Mundaı orta kishkentaı balany aıtpaǵanda, onda jalǵyz júrgen kez kelgen adam úshin óte qaýipti. Bala shóldegende jańbyr sýyn iship, jan baqqan», dedi David Sheldrick Trust uıymynyń ushqyshy Roan Karr-Hartlı jýrnalısterge bergen suhbatynda.
Izdestirý jumystarynyń altynshy kúni qutqarýshylar joǵalǵan balanyń izderin keziktirgen. Karr-Hartlı tez arada ushaqqa minip, kórsetilgen koordınattar boıynsha ushyp jetedi. Biraz ýaqyttan keıin ol butalardyń arasynda tyǵylyp jatqan balany baıqaǵan.
«Men óz kózime ózim sene almadym. Sheksiz jabaıy tabıǵat aıasynda kishkentaı balanyń aman-esen tabylýy tańǵalarlyq», deıdi ushqysh.
Bala qoryqqannan qaıta adasyp ketpes úshin qutqarýshylar balany aınala qorshap, jaqyndaǵan. Sodan keıin alǵashqy medısınalyq kómek kórsetilgen.
Balanyń búkil denesin tikendi butalar jyryp ketken. О́zin ábden masa shaqqan. Bala qazirgi sátte aýrýhanada jatyr.
