73 kılo salmaq dárejesinde synǵa túsken 18 jastaǵy Alekseı Chýrkın qossaıystyń qorytyndysy boıynsha 343 (153+190) kılolyq ziltemirdi eńserip, qola medaldy moınyna ildi. Bir aıta keterligi, jerlesimiz V tobynda óner kórsetti. Eger statıstıkalyq málimetterge júginsek, dál osy toptaǵy ziltemirshilerdiń úzdikter qataryna qosylýy óte sırek kezdesetin jaǵdaı. Al alǵashqy eki oryndy Indonezııanyń sportshylary ıelendi. Otandasymyzdan toǵyz kılo artyq salmaq kótergen Olımpııa oıyndarynyń qola júldegeri, álem chempıony Rahmat Abdýlla bas júldeni oljalasa, Rızkı Djýnıansıahý kúmis medaldy ıelendi. Onyń kórsetkishi – 347 (155+192) kılo.
Alekseı úshin bul – erler arasyndaǵy alǵashqy iri synaq. Bıylǵy mamyr aıynda ol Grekııanyń Iraklıon qalasynda ótken jastardyń álem birinshiliginde kúmis medal enshilegen edi.
