Buryn osyndaı qylmystar jasaǵany úshin sotty bolǵan 35 jastaǵy er adam túzelmeı, baıaǵy qylmystyq áreketine basqan. Ol adamdarǵa astanada tanys adamdary baryn alǵa tartyp, emtıhan tapsyrmaı-aq aqshalaı syıaqyǵa júrgizýshi kýálikterin alýǵa bolatynyn aıtqan.
Jalpy alaıaqtyń shyrmaýyna Taıynsha aýdanynyń 14 turǵyny, Aqjar aýdanynan bir turǵyn, Kókshetaý qalasynan da bir adam ilikken. Adamdar alaıaqqa aqsha aýdaryp, ózderine, jubaılary men balalaryna da júrgizýshi kýáligin alý úshin tapsyrys bergen.
SQO polıseıleri alaıaqty anyqtap, 16 epızod boıynsha materıaldy sotqa tapsyrdy. Jábirlenýshilerge keltirilgen shyǵynnyń somasy 1,5 mıllıon teńgeden astam. Sot qaskóıdi 3 jylǵa bas bostandyǵynan aıyrýǵa úkim shyǵardy.
