Dana Bekenqyzy áýeli akrobatıkamen aınalysty. Odan keıin jýzýge den qoıyp, sport sheberi normatıvin oryndady. Keıinnen djıý-djıtsýǵa ańsary aýdy. Osy sport túrinen ol birqatar halyqaralyq jarysta oljaǵa keneldi. Atap aıtsaq, bıylǵy jyldyń ózinde Dana Tóleýjan Madrıdte ótken dúbirli dodada altynnan alqa taqsa, Berlındegi baıraqty básekede qola medaldi moınyna ildi. Al onyń aldynda ol Dýbaıda uıymdastyrylǵan álem chempıonatynda qola júldeger atanǵan edi. Mine, endi Apenın túbeginde jalaýy jelbiregen jarysta barlyq qarsylasyn qapy qaldyryp, jeńis tuǵyrynyń eń bıik satysyna kóterildi.
Dana Almaty qalasynyń týmasy. Almatydaǵy KIMEP-ti oıdaǵydaı támamdaǵan ol qazirgi kezde irgetasy sonaý XIV ǵasyrda qalanǵan álemdegi eń kóne ýnıversıtettiń biri – Rımdegi La Sapıensanyń magıstratýrasynda karjyger mamandyǵy boıynsha bilim alyp júr.
