Fınaldyq kezeńde eń tańdaýly daıan sheberleri ǵana baq synaıtyny belgili ǵoı. Sol sebepti Saýd Arabııasyna 25 memleketten kelgen 75 sportshy óner kórsetý qurmetine ıe boldy. Solardyń qatarynda Nurlan Dombaev (80 kılo) pen Nyshan О́miráli (+80 kılo) syndy qandastarymyz da bar. K-44 sanatynda saıysqa túsken olardyń ekeýi de qola medal ıelendi. Parataekvondodan Qazaqstan quramasynyń bas bapkeri Nurjan Esilbaevtyń aıtýynsha, bizdiń jigitter atalǵan dodaǵa óte jaqsy daıarlyqpen keldi. Qazirgi kezde álemdik reıtıngte Nurlan kósh bastap tursa, Nyshan tórtinshi orynda tur.
Al sonyń aldynda ǵana dál osy Er-Rııadta taekvondoshylar saıysqa túsken edi. Jarys jolyna Qazaqstannyń eki sportshysy shyqty. Olar – Jansel Denız (67 kılo) ben Smaıyl Dúısebaı (+80 kılo). О́kinishke qaraı, jerlesterimiz óz jankúıerlerin qýanta almaı, qalyń toptyń arasynda qalyp qoıdy.
