Qatysýshylar aradaǵy yntymaqtastyqty jáne Reseıdiń iri marketpleısiniń Qazaqstandaǵy bıznesin keńeıtý múmkindikterin talqylady. Vıse-premer Qazaqstanda elektrondyq saýdany damytý úshin qyzyǵýshylyq týdyrýy múmkin transshekaralyq habtardy qurý jáne qoldanystaǵy jobalar týraly aıtyp berdi. Qoldanystaǵy «Qorǵas» shekara mańy yntymaqtastyǵynyń halyqaralyq ortalyǵy aýmaǵynda keden qoımasynan basqa qoımalaryn salý úshin qajetti ınfraqurylymy bar bos alańdar bar. Perspektıvti jobalar qatarynda Batys Qazaqstan oblysynda «Eýrazııa» transshekaralyq saýda ortalyǵyn qurý, ol arqyly «Bir beldeý – bir jol» jáne «Soltústik-Ońtústik» eki negizgi dáliz ótedi.
«Bul ortalyq logıstıka men preferensııalar turǵysynan tartymdy jáne tıimdi ındýstrııalyq-ónerkásiptik aımaqqa aınalady, sonymen qatar geografııalyq turǵydan Reseıge jaqyn jáne EAEO naryqtary qoljetimdi bolady. Bul termınal men qoıma ınfraqurylymynyń qýattylyǵyn, óńir arqyly júkterdiń tranzıttik aǵynyn arttyrýǵa zor múmkindik beredi», dedi Serik Jumanǵarın.
Qazirgi ýaqytta Wildberries kompanııasynyń qaraýyna Astana men Almatydaǵy eki qoıma men bir jer telimi usynylyp otyr.
Kezdesýde Tatıana Bakalchýk kompanııa Almaty oblysynda kóp arnaly saýda ortalyǵyn salý úshin ınfraqurylym tabýǵa múddeli ekenin atap ótti. Wildberries-tiń bas dırektory qazaqstandyq tarapqa Qazaqstanda ınfraqurylymdy damytýǵa oryn tańdaý boıynsha belgili bir sheshimder qabyldaýda járdemdesý týraly ótinishpen júgindi.
Kezdesý barysynda «Qazposhta» AQ Basqarma tóraǵasy Ásel Janasova men Tatıana Bakalchýk «Qazposhta» AQ men «Vaıldberrız» JShQ arasynda nıet týraly memorandýmǵa qol qoıdy.
Kelissózder nátıjesinde taraptar Wildberries basshylyǵynyń marketpleıs qoımalarynyń áleýetti oryndarymen egjeı-tegjeıli tanysý jáne yntymaqtastyq sharttaryn talqylaý úshin 2023 jyldyń qańtarynda Qazaqstanǵa keletini týraly kelisti.
