Iskerlik baılanystardy qoldaıdy

Oblystyń kásipkerler palatasy bıznes ókilderine túrli máseleler boıynsha kómek berý úrdisin qalyptastyrýda. Palata óz ónimderin shetelderge eksportqa shyǵarýdy kózdeıtin kásipkerlerge yqpal etýge daıyn. Bul mekemeniń sarapshylary taýar óndirýshilerdiń derekter bazasyn qurady, Keden odaǵyna kiretin elderdiń jáne alys shetelderdiń naryǵyn taldaıdy. Oblystyń kásipkerler palatasynyń halyqaralyq jáne óńiraralyq yntymaqtastyq jónindegi sarapshysy Aınur Baımuratovanyń aıtýynsha, kompanııalar syrtqy naryqta qandaı ónimderge suranys baryn bile bermeıdi, qandaı ónimderdi eksportqa shyǵarýǵa bolatynynan da beıhabar bolyp keledi. Sondaı-aq, sheteldik kompanııalar da Qazaqstannyń eksporttyq áleýetin jetik bilmeıdi. – Biz aqtóbelik kásipkerlerge jańa iskerlik qarym-qatynastar ornatýǵa kómektesýge ázirmiz, – deıdi ol. О́tken jyly oblystyń syrtqy saýda aınalymy 9918,8 mıllıard AQSh dollary boldy. Onyń negizgi úlesin 8420,8 mıllıard AQSh dollary bolatyn taýar eksporty qurady. Eksportqa negizinen shıki munaı, hrom jáne mys keni, hrom tuzdary shyǵaryldy. Aqtóbede shyǵarylǵan ónimder Qytaıǵa, Japonııaǵa, Italııaǵa, Avstrııaǵa jáne basqa da elderge eksporttaldy. Satybaldy SÁÝIRBAI, «Egemen Qazaqstan».