Tuńǵysh ret jalaýyn kótergen jarysqa Tájikstan, Gonkong, Qyrǵyzstan jáne Qazaqstannan eki júzge tarta sportshy qatysyp jatyr.
«Elorda tórinde jeńil atletıkadan KSRO-nyń Eńbek sińirgen sport sheberi, elimizdiń eńbek sińirgen qaıratkeri Ámın Elemesuly Tuıaqovtyń qurmetine jeńil atletıkadan halyqaralyq týrnır ótti. Alys-jaqyn bes memleket sportshylary baq synaǵan jarys aldaǵy ýaqytta dástúrli túrde jalǵasyn tabady dep úmittenemin. Ámın aǵamyzdyń otandyq jeńil atletıkaǵa qosqan úlesi orasan zor. Biz osyndaı azamattardy ardaqtap, barynda baǵasyna jetýge tıispiz. Al óskeleń urpaq, jas sportshylar aldyńǵy býyn aǵalarynyń jolyn jarqyn jeńisterimen jalǵaýy tıis», dedi Jeńil atletıka Federasııasynyń bas hatshysy Ashat Seısembek.
Jarys baǵdarlamasyna jeńil atletıkanyń mynadaı túrleri kiredi:
• Júgirý – 60m, kedergilermen 60m, 400m, 800m, 3000m;
• Iаdro ıterý;
• Uzyndyqqa sekirý;
• Bıiktikke sekirý.
Sonymer qatar jarys baǵdarlamasyna 14 jasqa deıingi balalar arasynda 60 m qashyqtyqqa júgirý jáne 4h200m aralas estafeta (2ul + 2qyz) engizildi.
Jarystyń jeńimpazdary men júldegerlerine aqshalaı syıaqy taǵaıyndalǵan. Jarystyń saltanatty ashylý saltanatyna Ámın Tuıaqov, QR mádenıet jáne sport vıse-mınıstri Serik Jarasbaev, jeńil atletıka federasııasynyń bas hatshysy Ashat Seısembek qatysty.
«Jeńil atletıkaǵa arnalyp salynǵan osyndaı manejde halyqaralyq jarystardyń kóptep ótkeni jaqsy. Bıyl meniń atyma arnalǵan jarys birinshi ret uıymdastyrylyp otyr, óte qýanyshtymyn. Saıysta ártúrli elderdiń sportshylary baq synap jatyr, bul bizdiń sportshylarymyzdy úlken jarystarǵa daıyndaýǵa kómektesedi. Qazaqstandyq jeńil atletter osyndaı básekelerge túsý arqyly shyńdalady, ózge el sportshylarynan úlgi alady», dedi jeńil atletıkadan Eýropa chempıonatynyń júldegeri Ámın Tuıaqov.
Ámın Tuıaqov jeńil atletıkadan KSRO-nyń Eńbek sińirgen sport sheberi, Qazaqstannyń eńbek sińirgen qaıratkeri, Mańǵystaý oblysynyń qurmetti azamaty. QSRO chempıonatynyń jeńimpazy jáne júldegeri, KSRO rekordshysy, Eýropa Kýbogynyń ıegeri, Eýropa chempıonatynyń júldegeri.
