«Jyl basynan beri biz 1,2 trln teńge ınvestısııa tarttyq. Eger ınvestısııalyq salymdardyń qurylymyna qaraıtyn bolsaq, onyń 53% nemese 632,9 mlrd teńge qurylys-montajdaý jumystaryna, 9% nemese 107,2 mlrd teńge kólik jáne qoıma ónerkásibine, al 6% nemese 76,1 mlrd teńge ónerkásipke tıesili», dedi Astana ákiminiń orynbasary brıfıng barysynda.
Spıkerdiń aıtýynsha, búginde Astana turǵyn úı qurylysyna ınvestısııa tartý boıynsha jetekshi orynǵa ıe; shıkizattyq emes sektorǵa ınvestısııa kólemi boıynsha ekinshi oryn, negizgi kapıtalǵa ınvestısııalardyń jalpy kólemi boıynsha úshinshi orynda.
Ákim orynbasarynyń aıtýynsha, búginde elordada sheteldiń qatysýymen 100 mıllıard teńgeni quraıtyn alty joba ázirlenýde. Bul kondıterlik ónimderdi, frı kartoptaryn, rezeńke buıymdardy, balalar taǵamyn, elektr qozǵaltqyshtaryn shyǵaratyn fabrıkalar, sondaı-aq zamanaýı qoıma keshenderi.
