Osydan bir apta buryn dál osy «Halyq arenada» ótken úshinshi kezeńdi jerlesterimiz bir kúmispen qorytyndylaǵan bolsa, bul joly bir altyn jáne bir qola medal jeńip aldy. Barlyq medaldi Denıs Nıkısha 500 metrge jarysta jeńip aldy. Keshe Denıs jarty shaqyrymdy 41.850 sekýndta júgirip ótip, Qazaqstannyń short-trek tarıhyndaǵy alǵashqy altynyn syılady. Ońtústik Koreıa short-trekshisi kúmis, belgııalyq qolaǵa ıe boldy. Úshinshi kezeńde Denıs atalǵan qashyqtyqty 40.998 sekýndta júrip ótip, kúmis alsa, tórtinshi kezeńniń alǵashqy kúninde 41.267 ýaqytpen qola júlde jeńip aldy.
Sondaı-aq elimizdiń áıelder quramasy 3 myń metr estafetada alǵash ret fınalda óner kórsetti. Alaıda Iаna Han, Olga Tıhonova, Madına Janbosynova men Malıka Ermek sheshýshi synda júldege bir taban jetpeı súrindi. Olar Ońtústik Koreıa, Kanada men Majarstannan keıin máre syzyǵyn qıdy. Osylaısha, short-trekshiler bıylǵy maýsymdy jeti júldemen qorytyndylady.
