Astanada «Jan-júregim, Astana!» óner buıymdary kórmesi ótedi

10 maýsym saǵat 11.00-13:00 aralaǵynda Astanadaǵy Oqýshylar saraıynyń Galereıa alańynda «Jan-júregim Astana!» kórmesi ótedi. Sharanyń negizgi maqsaty balardyń boıyna rýhanı qundylyqtar men meıirimdilik, otansúıgishtik, belsendilik qasıetterin sińirip, zárý jandarǵa qol ushyn sozýǵa tárbıeleý, ásirese balalar úıi tárbıelenýshilerine qaıyrymdylyq kómek kórsetý. Balalar óz sýretterinde jas astananyń kórkem kelbetin beıneleıtin bolady. Qorytyndysyna sáıkes, 200-den astam balalar alǵys hattarmen jáne baǵaly syılyqtarmen marapattalady. Al salynǵan sýretter men buıymdar áleýmettik mekemelerge(balalar úıi, aýrýhanalar, qarttar úıi) tartý etiledi. 5 maýsym Oqýshylar saraıynyń baspasóz-ortalyǵynda kishkentaı tilshiler «Facebook» áleýmettik jelisi arqyly kórme ótetini týraly habarlaıdy. Onda balalar tek daıyn jumystaryn kórsetýmen qatar, jańa óner týyndylaryn jasaýǵa qatysa alady. Kórmege beıneleý óneri, sándik-qoldanbaly shyǵarmashylyq, zamanaýı dızaın úıirmeleriniń tálimgerleriniń jumystary qoıylady. Jany meıirimge toly balalardyń qolynan shyqqan názik te ásem týyndylar qatysýshylardyń birine erekshe áser syılasa, birine balalar shyǵarmashylyǵy álemine jol ashpaq. Danııar Alan.