«ILYIN IRON CUP» – Qazaqstan men kórshiles elderdiń 200-ge jýyq kásipqoı sportshysy aýyr atletıka, paýerlıftıng, armrestlıng, krossfıt, mas-restlıng, gir kóterý, armlıftıng, vorkaýt, strongmen syndy sport túrleri boıynsha úzdik ataný úshin synǵa túsetin biregeı sporttyq is-shara.
Týrnırdiń ashylý saltanatyna QR Parlamenti Senatynyń tóraǵasy Máýlen Áshimbaev, Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Samat Erǵalıev, Astana qalasy ákiminiń orynbasary Erlan Bekmýrzaev, G-PARK kompanııasynyń bas dırektory Ǵabıt Satmaǵambetov qatysty.
Ilıa Ilın atap ótkendeı, týrnırdiń basty maqsaty – elimizde buqaralyq sportty nasıhattaý.
«Osyndaı jarystardy kásipqoılar arasynda uıymdastyrýdy kópten armandadym, olar óz salasynyń myqty sportshylary. Bolashaqta bul týrnırdi elimizdiń túkpir-túkpirinen, sondaı-aq kórshiles elderden kóptegen sportshylar jınalyp, básekelestik atmosferasyn taǵy bir sezinip, sporttyń ulylyǵyna qurmet kórsetetindeı «temir» jekpe-jek óneri boıynsha «shaǵyn olımpıada» retinde kóremin. Bul meniń sporttyq kareramdy aıaqtaǵannan keıin júzege asyrǵan alǵashqy iri jobalarymnyń biri jáne bizdiń «Iron Cup» eshkimdi beı-jaı qaldyrmaı, jyl saıynǵy sport merekesine aınalatynyna senemin», dep bólisti Ilın.
