Jol-kólik oqıǵasy tańǵy saǵat 5:30 shamasynda Gogol kóshesi men Spasskoe tas jolynyń qıylysynda bolǵan. Qala ákimdigi málimetinshe, aýyr júk kóliginiń júrgizýshisi tik P-tárizdi kompensatormen soqtyǵysyp, ony zaqymdaǵan. Apat saldarynan qalanyń ortalyq bóligindegi úıler jylý berýdiń tómen rejımine kóshirilgen.
«Oqıǵa ornyna jedel jetken «Teplotranzıt Qaraǵandy» JShS brıgadasy qubyrdaǵy dıametri 1000 mıllımetr aqaýdy anyqtady. Aqaýdy joıý úshin tutynýshylar tómendetilgen rejımge kóshiriledi», dep habarlady Qaraǵandy oblysy ákimdiginiń baspasóz qyzmetinen.
