Jyl saıyn dástúrli túrde ótetin týrnırge ár túrli jastaǵy komandalar qatysady. Sportshylar sport sheberine úmitker jáne sport sheberi, sol sııaqty birinshi razrıadty baǵdarlamalary boıynsha jarysady.
«Chempıonat jyl saıyn jańa jyl qarsańynda ótkiziledi. Jarysqa Astana, Almaty, Shymkent qalalary men Qaraǵandy, Almaty, Pavlodar, Qyzylorda, Atyraý, Ulytaý, Shyǵys Qazaqstan oblystarynan 75-ke jýyq sportshy qatysady. О́z aımaǵynyń namysyn qorǵaý úshin eń úzdik 16 sportshy ǵana marapattalady. Balalar jarysty óz kózimen kórip, sezinedi. Sportshylarǵa ǵana emes, barlyq qazaqstandyqtarǵa kelesi jyldyń burynǵydan da jaqsyraq bolýyn tileımiz», dedi qalalyq dene shynyqtyrý jáne sport basqarmasynyń baspasóz hatshysy Mádına Aıtqalıeva.
Aıta ketsek, bıylǵy týrnırge 2022 jylǵy jasóspirimder arasyndaǵy álem chempıonatynyń kúmis júldegeri Mıhaıl Shaıdorov qatysady, onyń arsenalynda eń kúrdeli tórt sekirý bar, jasóspirimder arasyndaǵy Gran-prı qola medaliniń ıegeri Rahat Bralın, sondaı-aq halyqaralyq týrnırlerdiń júldegerleri Anna Levkoves, Dıas Jırenbaev, Sofııa Farafonova, Karına Isakova, Oleg Melnıkov, Artýr Smaǵulov jáne basqa da sportshylar qatysady.
Chempıonattyń basty maqsattarynyń biri – 2023-2024 jyldarǵa arnalǵan shtattyq qurama komandany qalyptastyrý.
Uıymdastyrýshylar atap ótkendeı, qazaqstandyq mánerlep syrǵanaý tarıhynda alǵash ret tóreshiler alqasy halyqaralyq sanattaǵy sheteldik sýdıalardan quralatyn bolady, bul Qazaqstan Respýblıkasynyń chempıonatyn joǵary deńgeıde ótkizýge múmkindik beredi.
Jarys 24 jeltoqsanǵa deıin jalǵasady.
