Qaladaǵy iri saýda jelilerine «aınalym tetigi» boıynsha zaımdar bólinedi, onyń negizinde aýyl sharýashylyǵy jármeńkeleri ótkiziledi, óńirlerdiń sharýalarymen sharttar jasalady, azyq-túlik taýarlaryna baǵa belgileýde deldaldyq shemalardy tergeý jónindegi óńirlik komıssııa jumys isteıdi, úı janyndaǵy dúkenderdiń baǵa ústemesin saqtaýy boıynsha mobıldi monıtorıngtik toptar jumys isteıdi. Atalǵan is-sharalar áleýmettik mańyzy bar azyq-túlik ónimderiniń baǵasyn turaqtandyrýǵa múmkindik beredi.
Bul rette elorda ákimi Jeńis Qasymbek azyq-túlik bazarlarynyń, iri saýda jelileriniń ókilderimen, óndirýshilermen kezdesti.
Jıynǵa QR Saýda jáne ıntegrasııa birinshi vıse-mınıstri E.Shakqalıev, QR Básekelestikti qorǵaý jáne damytý agenttiginiń astanalyq departamentiniń basshysy A.Kishkenbaev, QR Aýyl sharýashylyǵy mınıstrliginiń jáne basqa da jaýapty memlekettik organdardyń ókilderi qatysty.
Kezdesýde áleýmettik mańyzy bar azyq-túlik taýarlarynyń baǵasyn ustap turý, azyq-túlikti ýaqytyly jetkizý, monıtorıngtik toptardyń jumysyn jandandyrý máseleleri qozǵaldy.
Jeńis Qasymbek áleýmettik mańyzy bar ónimderdiń baǵasyn ustap turý jáne baǵa ústemesin saqtaý boıynsha monıtorıngtik toptardyń jumysyn jandandyrýdy, 2023 jylǵa jeńildikti sharttar jasasýǵa arnalǵan azyq-túlik taýarlarynyń kólemin anyqtaýdy, kásipkerlerge ónimder jetkizý boıynsha sharttyq mindettemelerdi tolyq kólemde oryndaýdy tapsyrdy. Sondaı-aq kásipkerlerdi áleýmettik jaýapkershilikti kórsetýge jáne áleýmettik mańyzy bar azyq-túlik taýarlarynyń baǵasyn turaqtandyrýǵa óz úlesterin qosýǵa shaqyrdy.
Aıta ketsek, Astanada azyq-túlik qaýipsizdigin qamtamasyz etý úshin óndiristik-tamaq kesheniniń (nan zaýyty, sút óńdeý zaýyty, kókónis qoımasy), nan-toqash, un jáne kondıterlik ónimderdi daıyndaý jónindegi óndiristik keshenniń, logıstıkalyq ortalyqtardyń qurylysy júrip jatyr.
Máselen, nan zaýytyn jáne kókónis qoımasyn 2023 jyly paıdalanýǵa berý josparlanyp otyr. Al sút óńdeý zaýyty 2024 jyly iske qosylady dep josparlanyp otyr.
