Álem • 26 Jeltoqsan, 2022

Japonııada aýa raıynyń qolaısyzdyǵynan 17 adam qaza tapty

360 ret
kórsetildi
1 mın
oqý úshin

Japonııanyń basym bóliginde sońǵy 10 kúnde jaýǵan qalyń qar 17 adamnyń ómirin qıdy, dep habarlaıdy Egemen.kz  The Japan Times-qa silteme jasap.

Japonııada aýa raıynyń qolaısyzdyǵynan 17 adam qaza tapty

Sońǵy kúnderi eldiń batys jaǵalaýynyń kóp bóliginde, sondaı-aq Hokkaıdo aralynda qalyń qar jaýdy. Keıbir aýdandarǵa kúndiz bir metrge jýyq qar tústi. Gaz elektr jelilerin qar basyp, myńdaǵan úılerde elektr jaryǵy óship qaldy.

Meteorologııalyq agenttik zardap shekken aımaqtardyń turǵyndaryna qalyń qar kezinde múmkindiginshe jolǵa shyqpaýdy eskertti. Úkimet ókilderi aýa raıynyń qolaısyzdyǵynan ondaǵan adamnyń zardap shekkenin habarlady.

NHK ulttyq telearnasynyń habarlaýynsha, qaza tapqandar arasynda qar tazalap jatqanda shatyrdan qulap ketken er adam men kólikte kómirtegi totyǵynan ýlanyp qalǵan áıel tabylǵan.

Sınoptıkterdiń málimetinshe, Japonııanyń soltústik-shyǵys bóliginde qar ortasha deńgeıden úsh ese kóp jaýǵan.

Sońǵy jańalyqtar

Tarazda anasy eki balasyn terezeden laqtyryp jiberdi

Tótenshe jaǵdaı • Búgin, 12:50