Koroldiń I dárejeli ordenimen marapattaldy

Saýd Arabııasy Koroldiginiń Astanadaǵy elshiliginde Baqtııar Tasymovtyń Er-Rııadta Tótenshe jáne ókiletti elshi retinde atqarǵan mıssııasynyń aıaqtalýyna baılanysty qazaqstandyq dıplomatty Saýdııanyń joǵary ordenimen marapattaý qurmetine oraı saltanatty qabyldaý ótti. Saltanatty qabyldaýǵa QR SIM-iniń jaýapty hatshysy Asqar Mýsınov jáne Qazaqstanda akkredıttelgen dıplomatııalyq korpýstyń ókilderi qatysty. Saýd Arabııasynyń Qazaq­standaǵy elshisi Ábdel Majıt Ha­kım Baqtııar Tasymovty Áb­del Ázız Koroldiń I dárejeli ordenimen marapattaý týraly Eki qasıetti orynnyń saqtaýshysy Abdalla koroldiń jarlyǵyn oqyp, óz eli basshylyǵynyń tapsyrmasy boıynsha joǵary marapatty usyndy. «Eki qasıetti orynnyń saqtaý­shysy Abdalla korol men Qa­zaq­stan Prezıdenti Nursultan Na­zarbaevtyń arasyndaǵy turaqty jáne senimdi baılanystardyń ar­qasynda ekijaqty yntymaqtastyq dıp­lomatııalyq qatynastar ornyq­qan kezden bastap sátti damyp keledi, bul úderis aldaǵy ýaqytta da jalǵasyn tabady dep senemiz», degen Saýd Arabııa­sy­nyń Qazaqstanmen saýda-ekono­mıkalyq jáne mádenı-gýma­nıtarlyq salalarda ózara tıim­di yntymaqtastyqty odan ári tereń­detýge daıyn ekenin málimdedi. О́z kezeginde, B.Tasymov saý­dııalyq tarap óziniń qyzmetin joǵary baǵalaǵany úshin alǵysyn bildire kelip, bul marapat, eń aldymen, Prezıdent Nursultan Nazarbaevtyń basshylyǵymen áleýmettik-ekonomıkalyq damýda aıtarlyqtaı jetistikterge jetip, halyqaralyq qoǵamdastyqtyń senimdi de abyroıly múshesine aınalǵan Qazaqstannyń dos­tas halqyna Saýdııa halqynyń kórset­ken iltıpaty dep biletinin erekshe atap ótti. «Egemen-aqparat».