«Qarasaı aýdandyq sotynyń úkimimen burynǵy rektor – «Qazaq Ulttyq Qyzdar Pedagogıkalyq Ýnıversıtetiniń» KEAQ Basqarma tóraǵasy G.Aldambergenova, rektordyń keńesshisi Q. Qojantaev (Aldambergenovanyń týǵan aǵasy) jáne «Azamattarǵa arnalǵan úkimet «Memlekettik korporasııasy» KEAQ fılıalynyń Qarasaı Jer kadastry jáne jyljymaıtyn múlik bóliminiń basshysy A. Jýrýnov kináli dep tanylyp, 7 jylǵa bas bostandyǵynan aıyryldy», dep habarlady vedomstvodan.
Sol úkimmen Qarasaı bólimi basshysynyń orynbasary D. Jumadil men bólim mamany E. Kemal shartty túrde 7 jylǵa bas bostandyǵynan aıyryldy.
Barlyq sottalǵandarǵa memlekettik qyzmette qyzmet atqarý quqyǵynan ómir boıyna aıyrý túrindegi jaza qoldanyldy.
Tergeý barysynda sottalǵandardyń bógde tulǵalarǵa zańsyz resimdelgeni, ýnıversıtettiń 9 ga jer ýchaskesin bólip jáne adal satyp alýshylarǵa satqany dáleldendi. Nátıjesinde ýnıversıtetke 95,5 mıllıon teńge shyǵyn keltirildi.
Úkim zańdy kúshine engen joq.
