Qazaqstan Respýblıkasy Úkimetiniń qaýlysy №507

2014 jylǵy 19 mamyr, Astana, Úkimet Úıi Shyǵarylǵan eli boıynsha aksızder salýǵa jatqyzylatyn ımporttalatyn taýarlardyń qosymsha tizbesin aıqyndaý qaǵıdalaryn bekitý týraly 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy Kodeksiniń 279-babyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Shyǵarylǵan eli boıynsha aksızder salýǵa jatqyzylatyn ımporttalatyn taýarlardyń qosymsha tizbesin aıqyndaý qaǵıdalary bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2014 jylǵy 19 mamyrdaǵy № 507 qaýlysymen bekitilgen Shyǵarylǵan eli boıynsha aksızder salýǵa jatqyzylatyn ımporttalatyn taýarlardyń qosymsha tizbesin aıqyndaý qaǵıdalary 1. Jalpy erejeler 1. Osy shyǵarylǵan eli boıynsha aksızder salýǵa jatqyzylatyn ımporttalatyn taýarlardyń qosymsha tizbesin aıqyndaý qaǵıdalary (budan ári — Qaǵıdalar) 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy Kodeksiniń 279-babyna sáıkes ázirlendi. 2. Qaǵıdalar shyǵarylǵan eli boıynsha aksızder salýǵa jatqyzylatyn ımporttalatyn taýarlardyń qosymsha tizbesin aıqyndaý tártibin belgileıdi. 3. Osy Qaǵıdalarda qoldanylatyn termınder men anyqtamalar: 1) saýda qyzmetin retteý salasyndaǵy ýákiletti organ (budan ári - ýákiletti organ) – saýda qyzmeti salasynda basshylyqty jáne salaaralyq úılestirýdi júzege asyratyn ortalyq atqarýshy organ; 2) ımporttalatyn taýarlardyń qosymsha tizbesi (budan ári - qosymsha tizbe) – Qazaqstan Respýblıkasynyń salyq zańnamasyna sáıkes aksız salýǵa jatqyzylatyn Qazaqstan Respýblıkasyna ımporttalatyn taýarlardyń tizbesi; 3) taýar – kez kelgen jyljymaly múlik, onyń ishinde Qazaqstan Respýblıkasynyń kedendik shekarasy arqyly ótkiziletin (jolaýshylar men taýarlardyń halyqaralyq tasymaly úshin qoldanylatyn kólik quraldaryn qospaǵanda) kólik quraldary; 4) taýardyń shyǵarylǵan eli - taýar tolyǵymen óndirilgen nemese jetkilikti túrde óńdeýge (qaıta óńdeýge) ushyraǵan el. 4. Shyǵarylǵan eli boıynsha aksızder salýǵa jatqyzylatyn ımporttalatyn taýarlardyń qosymsha tizbesin ýákiletti organ aıqyndaıdy. 2. Shyǵarylǵan eli boıynsha aksızder salýǵa jatqyzylatyn ımporttalatyn taýarlardyń qosymsha tizbesin aıqyndaý tártibi 5. Qazaqstan Respýblıkasynyń keden organynyń syrtqy saýdasynyń kedendik statıstıkasynyń derekteri negizinde ýákiletti organ elder bólinisinde taýarlar ımportynyń jaı-kúıi men serpinine toqsan saıyn taldaý júrgizedi, onyń negizinde taýarlar ımporty kóleminiń ulǵaıýy, sondaı-aq olardyń ósý qarqyny anyqtalady. 6. Taldaý nátıjeleriniń negizinde ýákiletti organ ımportynyń úlesi osy taýardyń úshinshi elderden Qazaqstan Respýblıkasyna ımportynyń jalpy kóleminen 30 paıyzdan artyq elder bólinisinde neǵurlym kóp ımporttalatyn taýarlar tizbesin jasaıdy. 7. Ýákiletti organ qosymsha tizbe qalyptastyrý úshin neǵurlym kóp ımporttalatyn taýarlardyń tizbesin Qazaqstan Respýblıkasynyń múddeli memlekettik organdarymen kelisedi. 8. Ýákiletti organ Qazaqstan Respýblıkasynyń múddeli memlekettik organdarymen kelisýdiń qorytyndylary boıynsha ımporttalatyn taýarlardyń qosymsha tizbesin qalyptastyrady. 9. Importtalatyn taýarlardyń qosymsha tizbesin aıqyndaý jónindegi usynysty ýákiletti organ Qazaqstan Respýblıkasynyń saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııasynyń qaraýyna shyǵarady. 10. Qazaqstan Respýblıkasynyń saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııasy sheshimin eskere otyryp, ýákiletti organ ımporttalatyn taýarlardyń qosymsha tizbesin bekitedi. 11. Qazaqstan Respýblıkasynyń keden organynyń syrtqy saýdasynyń kedendik statıstıkasynyń derekteri negizinde ýákiletti organ toqsan saıyn elder bólinisinde qosymsha tizbede kórsetilgen taýarlardyń ımporty boıynsha monıtorıng júrgizedi. 12. Ýákiletti organ ımporttalatyn taýardy qosymsha tizbege qosý nemese ımporttalatyn taýardy qosymsha tizbeden alyp tastaý jónindegi usynysty osy Qaǵıdalardyń 5 - 9-tarmaqtarynda belgilengen tártippen Qazaqstan Respýblıkasynyń saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııasynyń qaraýyna shyǵarady. 13. Qazaqstan Respýblıkasynyń saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııasynyń sheshimin eskere otyryp, ýákiletti organ ımporttalatyn taýardy qosymsha tizbege qosady nemese ımporttalatyn taýardy qosymsha tizbeden alyp tastaıdy.