Mundaı norma «Qazaqstan Respýblıkasynyń keıbir zańnamalyq aktilerine ekologııalyq taza kólikti tanymal etý jáne elektromobılder úshin ınfraqurylymdy damytý máseleleri boıynsha ózgerister men tolyqtyrýlar engizý týraly» zań jobasynda qamtylǵan.
Májilis depýtaty Aleksandr Mılıýtın zań jobasyn depýtattar ekologııalyq taza kólikti nasıhattaý maqsatynda bastamashylyq etkenin aıtty.
«Zań jobasyn qabyldaý elektromobılder úshin ınfraqurylymdy damytýǵa, ekologııalyq taza kólikti paıdalanýǵa jaǵdaı jasaýǵa, elektr zarıadtaý stansııalaryn ornatý jónindegi qyzmetti retteýdiń quqyqtyq tetikterin jasaýǵa múmkindik beredi. Sonymen qatar Ákimshilik quqyq buzýshylyq týraly Kodekste elektromobılderdi toqtatý nemese turaqqa qoıý úshin belgilengen oryndarda avtokólikti toqtatý nemese turaqqa qoıý erejelerin buzǵany úshin ákimshilik jaýapkershilik qarastyrylǵan», dedi Májilis depýtaty Aleksandr Mılıýtın.
