Sarapshylardyń boljamyna sáıkes, jańa suranystyń úlesi 45%-dy, ıaǵnı 867 myń adamdy, al aýystyrý boıynsha suranystyń úlesi 55%-dy, ıaǵnı 1 mln adamdy quraıdy.
Bul rette optımıstik ssenarıı boıynsha suranys kólemi 2,1 mln adam, al pessımıstik ssenarıı boıynsha 1,8 mln adam kútiletini atap ótildi.
О́ńirlik bóliniste ýrbanızasııa men megapolısterdegi halyqtyń shoǵyrlanýy jalǵasatyny kútiledi. Demek jaldamaly jumyskerlerge eń úlken jıyntyq suranysy Astana men respýblıkalyq mańyzy bar qalalarda artady.
«Jaldamaly jumysshylarǵa suranys 2028 jyly kútiletin eń joǵary deńgeıge jetkenge deıin artady, sol kezde boljamdy qajettilik 261 myń adamdy quraıdy. Bul ishinara 2023 jyldan 2028 jylǵa deıin áıelderdiń zeınetkerlik jasyn arttyrý toqtatyla turatyndyǵyna baılanysty. Jalpy alǵanda, jaldamaly jumyskerlerge suranystaǵy óndiristik sektordyń (aýyl sharýashylyǵy, ónerkásip jáne qurylys) úlesi 27-29%-dy quraıdy, al qyzmet kórsetý salasynyń úlesine tıisinshe 71-73%-dy quraıdy. Bul rette kadrlarǵa eń úlken qajettilik – bilim berý, densaýlyq saqtaý, memlekettik basqarý sektoryna tıesili bolady, onda ol 547-den 678 myń adamǵa deıin nemese jıyntyq suranystyń 31-33%-yn quraıdy», dep túsindirdi ERDO Boljaý departamenti dırektorynyń orynbasary Qaıyrbek Aıashev.
Taýarlardy tasymaldaý jáne bólý salasynda (saýda, kólik jáne qoımalaý, turý jáne tamaqtaný qyzmetteri) kórsetilgen kezeńde jaldamaly jumyskerlerge suranys 336-dan 384 myń adamǵa deıin nemese jıyntyqtan 18-19%-ǵa deıin bolady dep kútiledi.
Bıznes-qyzmetter salasynda (aqparat jáne baılanys, qarjy jáne saqtandyrý, jyljymaıtyn múlikpen jasalatyn operasııalar, kásibı jáne ǵylymı qyzmet, ákimshilik jáne qosalqy qyzmet kórsetý) jaldamaly qyzmetkerlerge bolashaq suranys 268-den 314 myń adamǵa deıin nemese jıyntyq suranystan 15%-y baǵalanady.
О́nerkásipte jaldamaly jumyskerlerge suranys 219-259 myń adam (jıyntyqtan 12%), aýyl sharýashylyǵynda – 193-200 myń adam (10-11%), ózge de qyzmetter salasynda – 105-130 myń adam (6%), qurylys sektorynda – 91-111 myń adam (5%) deńgeıinde kútiledi.
