Kandıdatýra Prezıdent ákimshiligimen kelisilip, qala máslıhaty depýtattarymen maquldandy. Asaıyn Baıhanov jańa basshynyń jumysyna sáttilik tiledi.
- Oblys ortalyǵyna ákim bolý aýyr ári jaýapty mindet. Halyqpen tyǵyz baılanys jasaý kerek. Memlekettik organdar men kommýnaldyq uıymdardyń jumysyn baılanystyra otyryp, turǵyndardyń ótinishi ýaqytyly oryndalýy tıis. Qalanyń odan ári damýy basty nazarda bolady. Sondyqtan qyzmetińiz berekeli bolsyn. Sáttilik, - dedi Asaıyn Baıhanov.
Erjan Beıbituly Imanzaıpov 1984 jyly týǵan, eki joǵary bilimi bar. 2006 jyly S.Toraıǵyrov atyndaǵy Pavlodar memlekettik ýnıversıtetin ónerkásiptik jylýenergetıka mamandyǵy boıynsha, 2010 jyly – Almaty ekonomıka jáne statıstıka akademııasyn qarjy mamandyǵy boıynsha aıaqtaǵan.
Eńbek qyzmetin 2006 jyldyń naýryzynda Pavlodar qalasy «Pavlodarenergo» aksıonerlik qoǵamynyń mashınıst-qaraýshysy bolyp bastady.
«Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» memlekettik mekemesinde turǵyndarmen jumys jónindegi bólimniń bas mamany; Qazaqstan Respýblıkasy Indýstrııa jáne saýda mınıstrligi Qurylys isteri jáne turǵyn úı-kommýnaldyq sharýashylyq komıtetiniń jetekshi mamany bolyp istedi.
2007 jyldyń naýryzynan bastap 2014 jyldyń sáýirine deıin Qazaqstan Respýblıkasy Tabıǵı monopolııalardy retteý agenttiginiń qurylymdyq bólimshelerinde jetekshi maman laýazymynan Departament dırektorynyń orynbasary laýazymyna deıin qyzmet etti.
2014 – 2017 jyldary Pavlodar jáne Ekibastuz qalalary ákiminiń orynbasary;
2017 – 2019 jyldary Pavlodar oblysynyń energetıka jáne turǵyn úı-kommýnaldyq sharýashylyq basqarmasynyń basshysy;
2019 – 2020 jyldary Ekibastuz qalasynyń ákimi.
Memlekettik qyzmet ótili 15 jyldan asady.
