Oqıǵa • 30 Jeltoqsan, 2022

Dınara – álemniń vıse-chempıony

193 ret

kórsetildi

1 mın

oqý úshin

Almatyda ótip jatqan shahmattan álem chempıonatynda Dınara Sádýaqasova jyldam shahmattan (rapıd) dúnıejúzilik dodanyń kúmis júldegeri atandy. Jerlesimiz ben qytaılyq Tan Chjýnı 11 týrdan keıin 8,5 upaı jınap, altyn jáne kúmis júldeniń ıegerin anyqtaý úshin taı-breıkte sheberlik baıqasty. Tek qosymsha oıynda sál ǵana basymdyq tanytqan Tan Chjýnı bas júldeni jeńip aldy.

Álı BITО́RE

Dınara álem chempıonatynyń kúmis júldesin oljalaǵanǵa deıin tórt týrda teń oınap, keıingi alty partııada jeńiske jetti. Týrnır barysynda otandasymyz álemniń eń myqty shahmatshylarynyń biri reseılik Aleksandra Gorıachkınany jeńgenin aıta ketken jón. Esterińizde bolsa, osydan týra bir jyl buryn Polsha astanasy – Varshavada ótken álem chempıonatynda 18 jastaǵy otandasymyz Bıbisara Asaýbaeva da shahmattyń rapıd túrinen kúmis júldege ıe bolǵan edi.

О́z elimizde tuńǵysh ret ótip jatqan shahmattan álem chempıonatynyń rapıd túrinen synǵa túsken ózge qyzdarymyzdyń nátıjesine toqtalar bolsaq, Jansaıa Ábdimálik 5-satydan kórinse, Alýa Nurmanova – 23, Ámına Qaıyrbekova – 26, Bıbisara Asaýbaeva 29-orynnan kórindi.