Taraptar Qazaqstan Prezıdenti Qasym-Jomart Toqaevtyń bıyl 21-22 jeltoqsanda О́zbekstanǵa jasaǵan saparynyń qorytyndysy boıynsha eki memleket basshylarynyń bergen tapsyrmalaryn iske asyrý máselelerin talqylady.
Atap aıtqanda, ózara saýda-sattyqty ulǵaıtý, onyń ishinde Birlesken syrtqy saýda kompanııasyn qurý, kólik-logıstıkalyq yntymaqtastyqty nyǵaıtý jáne tıisti ınfraqurylymdy damytý, ónerkásip pen aýyl sharýashylyǵynda kooperasııalyq jobalardy iske qosý, jańa qaıta óńdeý klasterlerin qurý, aýyl sharýashylyǵy ónimderiniń túrlerin jetkizýdi jolǵa qoıý jáne t.b. sharalar qaraldy.
Álıhan Smaıylov Qazaqstan Prezıdentiniń О́zbekstanǵa saparynyń qorytyndysy boıynsha ekijaqty ózara is-qımyldyń barlyq basym salalarynda serpindi ýaǵdalastyqtarǵa qol jetkizilgenin atap ótti. Olardy iske asyrý týraly arnaıy ázirlengen Jol kartasynda egjeı-tegjeıli jazylǵan, bul respýblıkalar arasyndaǵy strategııalyq áriptestikti odan ári nyǵaıtýǵa serpin beredi.
«Memleket basshylary birinshi kezektegi birqatar mindetti aıqyndap, olardy iske asyrý merzimderin naqty belgilep berdi. Azamattarymyzdyń ál-aýqatyn arttyrýǵa baǵyttalǵan barlyq sharany júzege asyrý úshin úılesimdi jáne tıimdi jumysty qamtamasyz etýimiz kerek», dedi Premer-mınıstr.
Onyń aıtýynsha, Qazaqstan men О́zbekstan arasyndaǵy taýar aınalymy turaqty ósip keledi. Bul rette basty mindetterdiń biri – ónimdi tasymaldaý kezinde «tar dálizderdi» keńeıtip, jalpy ákimshilik kedergilerdi joıý.
«Bizdiń elderimizdiń kásipkerleri ózara belsendi iskerlik qarym-qatynastar ornatqan, sondyqtan bızneske jańa birlesken jobalardy iske qosýǵa jan-jaqty qoldaý qajet. Biz sizdermen birge osy baǵytta jumys isteýge daıynbyz», dedi Álıhan Smaıylov.
Sonymen qatar taraptar sý sharýashylyǵy salasyndaǵy yntymaqtastyqtyń ózekti máselerin talqylady.
О́z kezeginde Jamshıd Hodjaev О́zbekstan Úkimeti barlyq tıimdi baǵyt boıynsha ortaq maqsattar men mindetterge qol jetkizý úshin Qazaqstan Úkimetimen tyǵyz yntymaqtastyqta nátıjeli jumys isteýge ázir ekenin atap ótti.
Kezdesý sońynda Álıhan Smaıylov 2022 jylǵy 21-22 jeltoqsanda eki el Prezıdentteri arasynda ótken kelissóz qorytyndysy boıynsha qol jetkizilgen ýaǵdalastyqtardy iske asyrý jónindegi Jol kartasyna qol qoıdy. О́zbek tarapynan bul qujatqa Abdýlla Arıpov qol qoıady.
