Buryn osy laýazymda qyzmet atqarǵan Oleg Krýk óz ótinishi boıynsha qyzmetinen bosatyldy.
Hasar Aıtpekuly 1986 jyly týǵan, eki joǵary bilimi bar, 2006 jyly Qazaq quqyqtaný jáne halyqaralyq qatynastar ınstıtýtyn «Quqyqtaný bakalavry» mamandyǵy boıynsha, 2014 jyly S.Toraıǵyrov atyndaǵy Pavlodar memlekettik ýnıversıtetin «Kólik qurylysy» mamandyǵy boıynsha aıaqtaǵan. Tehnıka jáne tehnologııa magıstri.
Eńbek jolyn 2008 jyly memlekettik emes qurylymdarda bastaǵan. 2017 jyldan 2021 jylǵa deıin oblys ákimi apparatynyń bas ınspektory, Tereńkól aýdany jáne Sharbaqty aýdany ákimderiniń orynbasary, Ekibastuz qalasy ákiminiń orynbasary, Aqsý qalasy ákimi apparatynyń basshysy, «Pavlodar oblysynyń qurylys basqarmasy» MM basshysy qyzmetterin atqardy.
2021 jyldyń tamyz aıynan bastap osy ýaqytqa deıin Pavlodar qalasy ákiminiń orynbasary qyzmetin atqardy.
Asaıyn Baıhanov Pavlodar oblysy ákiminiń birinshi orynbasary aldynda turǵan mindetterdi atap ótti. Birinshi kezekte oǵan Ekibastuz qalasyna baryp, jergilikti jerde turǵyn úılerdi jylýmen jabdyqtaý júıesin retteý boıynsha jumystar júrgizý, tótenshe jaǵdaıdan keıin qaladaǵy jaǵdaıdy jaqsartý boıynsha jedel áreket etý jáne sheshimder qabyldaý tapsyryldy.
