Aqtóbe oblysynda 2 mln. teńge talap etkender ustaldy

AQTО́BE. 9 maýsym. Aqtóbe oblysy Hromtaý qalasynda tún mezgilinde bes qabatty úıdiń ekinshi qabayndaǵy páterge medısınalyq betperde kıgen eki jigit kirip, úı ıelerinen 2 mıllıon teńge talap etken. Bul týraly egemen.kz tilshisi habarlady. Betin tumshalap alǵan ekeý páterge tereze arqyly kiredi de, úı ıelerin qorqytyp, olardan 2 mln. teńge taýyp berýdi talap etedi. Sol arada shaqyrýsyz kelgen «qonaqtar» men úıdegiler arasynda tóbeles bolyp, sonyń saldarynan úı ıesiniń inisi taıaqqa jyǵylady. Sodan, qaraqshylyq shabýyl jasaǵandar ekinshi qabattan sekiriptúsip, taıyp turǵan. Al jaraqat alǵan jigit aýrýhanaǵa jetkiziledi. Bul oqıǵa jóninde úı ıesi – 42 jastaǵy  áıel oryn alǵan keleńsiz jaǵdaıdy polısııa bólimine habarlaıdy. Shuǵyl izdestirý jumystarynyń nátıjesinde  krımınaldyq polısııa qyzmetkerleri 19-20 jastaǵy úsh jigittiń izine túsedi. Olardy osy qylmysqa kúdikti dep ustap, Hromtaý  aýdandyq ishki ister bóliminiń ýaqytsha ustaý qamaǵyna salǵan. Úsheýi de Aqtóbe qalasynyń turǵyndary bolyp shyqty. Olardan tekserý kezinde pnevmatıkalyq pıstolet alynǵyn. Endi kúdiktilerdiń ústinen Qylmystyq kodekstiń 179-baby boıynsha is qozǵaldy. Satybaldy Sáýirbaı. Derekkóz: egemen.kz. Foto: Bnews.kz.