Bıylǵy jyldyń basty jarysy – Beıjińde alaýy tutanǵan Qysqy Olımpıada men Paralımpııalyq oıyndar ekeni daýsyz. О́kinishke qaraı, Qytaı jerinde uıymdastyrylǵan aq qar, kók muz ústindegi dodada jerlesterimiz joq degende keıingi eki Olımpıadadaǵy jetistigimizdi qaıtalaı almaı (2014 jyly Sochıde Denıs Ten jáne 2018 jyly Phenchhanda Iýlııa Galysheva qola júlde oljalaǵan bolatyn), elge abyroısyz oraldy. Álemniń 91 memleketinen kelgen 3 myńǵa tarta sportshynyń qatysýymen ótken baıraqty bəsekede Qazaqstannyń 34 sportshysy baq synaǵan edi.
Esesine, dál sol Beıjińde ótken Paralımpıadada Aleksandr Gerlıs Qazaqstan quramasynyń qorjynyna qola medal saldy. Dúnıe júziniń 46 memleketinen 600-ge jýyq para sportshy qatysqan baıraqty básekede parabıatlonnan 10 shaqyrymǵa jarysta otandasymyzdyń juldyzy janyp, máre syzyǵyn 34:51.1 ýaqyt kórsetkishimen úshinshi bolyp kesti.
2022 jyly komandalyq sportta da otandastarymyz aýyz toltyryp aıtarlyqtaı mol tabysqa qol jetkizdi. Atap aıtar bolsaq, buǵan deıin jeńilisten kóz ashpaı, jankúıerlerdi únemi jerge qaratyp júretin fýtboldan Qazaqstan ulttyq quramasy osydan birer jyl buryn tusaýy kesilgen sý jańa týrnır – Ulttar lıgasynyń bıylǵy básekesinde atoı salyp, barsha fýtbol jankúıerin qýantty. Atalǵan týrnırdiń S lıgasynda óner kórsetken jerlesterimiz Eýropanyń aldyńǵy qatarly quramasy – Slovakııany eki matchta da san soqtyryp, Belarýs, Ázerbaıjan sekildi orta deńgeıdegi quramalardan upaı alyp, kelesi jyly V lıgasynda oınaıtyn boldy. Bul synda Qazaqstan fýtbolshylaryn Shvesııa, Aýstrııa, Chehııa, Anglııa, Ýels sekildi Eýropanyń azýly quramalary kútip tur.
14 jasqa deıingi jasóspirimder quramasy el tarıhynda alǵash ret álemdik dodaǵa qatysyp, úzdik tórt quramanyń qataryna ilikti. Jas tennısshilerimiz toptyq básekede álem chempıondary – Italııa jastaryn joldan taıdyrsa, qola júlde úshin matchta álemniń eki márte eks-chempıony AQSh quramasyna jol berdi. Al Elena Rybakına Qazaqstan tennısshileri arasynda alǵash bolyp «Úlken dýlyǵa» týrnırin jeńip aldy.
Bıyl Qazaqstanda alǵash ret ATP 500 serııasynyń týrnıri uıymdastyrylǵanyn aıta ketý kerek. Bul jarysta «Úlken dýlyǵa» týrnıriniń 21 dúrkin chempıony, álemniń 7-raketkasy Novak Djokovıch jeńimpaz atandy.
Jekelegen sport túrlerine keler bolsaq, Mońǵolııanyń astanasy – Ulan-Batyrda ótken kúres túrlerinen Azııa birinshiliginde Qazaqstannyń balýandary 21 júldege qol jetkizdi. Azamat Dáýletbekov (86 kg), Meıirjan Shermahanbet (67 kg), Álimhan Syzdyqov (130 kg) jáne áıelder kúresinen Mádına Baqbergenova (68 kg) men Jámıla Baqbergenovanyń (72 kg) baq juldyzy janyp, altynnan alqa taqty. Mádına fınalda Tokıo Olımpıadasynyń qola júldegeri, 2021 jylǵy álem chempıony qyrǵyzstandyq Meerım Jýmanazarovany san soqtyrǵanyn erekshe atap ótken jón.
Jeńil atletıkadan ótken álem chempıonatynda Qazaqstan quramasynyń qorjynyna tarıhı altyn júlde tústi. AQSh-tyń Iýdjın qalasynda uıymdastyrylǵan álemdik jarysta Qazaqstandaǵy Altay Athletics klýbynyń sportshysy tegi kenııalyq Nora Djerýto 3000 metrge kedergiler arqyly júgirýden aldyna jan salǵan joq. 8:53.02 ýaqyt kórsetkishimen ol 2022 jyldyń úzdik nátıjesin tirkep, Qazaqstannyń álem chempıonaty tarıhyndaǵy alǵashqy altynyn alyp berdi.
Bıyl bokstan əlem chempıonaty ótpese de, bylǵary qolǵap sheberleri Azııa chempıonatynda erlik jasady. 2019 jyldan beri erler men áıelderdiń Sary qurlyq básekesi birge ótkizilip keledi. Iordanııanyń Amman qalasynda ótken boksshylardyń básekesinde jerlesterimiz 21 júlde (6 altyn, 7 kúmis, 8 qola) jeńip aldy. Onyń 12-si (3 altyn, 6 kúmis, 3 qola) erlerge, 9-y (3 altyn, 1 kúmis, 5 qola) qyzdar quramasyna tıesili. Erlerden Sanjar Táshkenbaı (48 kg), Aslanbek Shymbergenov (71 kg) jáne Aıbek Oralbaı (92 kg) Ammanda ánuranymyzdy shyrqatsa, qyzdardan Alýa Balqybekova (48 kg), Jaına Shekerbekova (54 kg), Karına Ibragımova (57 kg) Azııa chempıony atandy.
Desek te, bıyl «əttegen-aı» degen kezderimiz de az bolǵan joq. Məselen, joǵaryda aıtyp ótkendeı, Beıjińdegi Qysqy Olımpıadadan jerlesterimizdiń júldesiz qalýy jankúıerlerdiń kóńiline kədimgideı selkeý túsirdi. Sonymen qatar bilekti balýandarymyz ben tatamı ústinde taıtalasqa túsken dzıýdoshylarymyz jankúıerlerdiń altynnyń syńǵyryn estisek degen arman-tilegin oryndaı almady. Tashkent tatamıinde jerlesterimizge nebári eki-aq júlde buıyrdy. Áıelder arasyndaǵy básekeniń asa jeńil salmaǵynda beldesken Ábıba Ábýjaqynova qola júlde oljalap, qazaq qyzdary arasynda álem chempıonatynda júlde alǵan birinshi balýan atandy. Al erler arasynda 60 kıloda tatamıge shyqqan Eldos Smetov ekinshi ret álem chempıonatynyń qola medalin keýdesinde jarqyratty.
Belgradtaǵy (Serbııa) kúres túrlerinen álem birinshiliginde erkin kúresten Azamat Dáýletbekov (86 kg) pen grek-rımnen Aıdos Sultanǵalı (60 kg) qolaǵa qol jetkizse, áıelder kúresinen Jámıla Baqbergenova (72 kg) altyn júldege synyq súıem qalǵanda súrinip, kúmis júldeni qanaǵat tutty. Fınalda ol jastar arasyndaǵy álem chempıonatynyń eki dúrkin jeńimpazy 18 jastaǵy amerıkalyq Elo Amıttan jeńilip qaldy.
