Osynshama adam janaryna mıkrohırýrgııalyq otany sátti jasaǵan altyn qoldy hırýrg týraly móltek syr
Tirlikte aıtyp kelmeıtin aýrýlardan eshkim aýlaq emes. Qaı-qaısysy da aýyr. Al oılamaǵan tustan kóz janary munarlanyp, buǵan deıingi jap-jaryq dúnıe tas túnek bolyp qalsa she? Ondaı jaǵdaıǵa tap keletin adamdardyń álemde az kezdespeýi ómir shyndyǵy. Bul jaıt bizdiń elimiz azamattary basynda da bar ekeni málim.
Táýbe dersiń, bir táýiri osy syrqattyń aldyn alyp, der kezinde emdeýde otandyq medısına áleýeti eshkimnen kem emestigi kóńil ósiredi. Aýrýyna shıpa izdeýshilerdiń alysqa at sabyltpaı-aq, óńirlerdiń ózinde saýyǵa alýyna múmkindik jetkilikti desek, sonyń biri jáne biregeıi turǵysynda Qaraǵandydaǵy «Glazalık» klınıkasyn ataýǵa bolar edi. Kózdi emdeýdiń san túrli tehnologııasymen jaraqtanyp, ony biliktilikpen qoldanatyn osy mekemeniń qyzmeti týraly aıtylǵanda aldymen bas dáriger Elena Baqtııarqyzy Baımuqanovanyń orny bólek deýge bolady. О́zi de dárigerler otbasynda ósken, búkil erik-jigerin kóz derti taýqymetin tartýshylarǵa kómekke sarp etken ol adamnyń eń názik múshesine 10 myńnan astam mıkrohırýrgııalyq ota jasaǵan. Izraıl, Fransııa, Shvesııa, Italııa, Túrkııa elderiniń oftalmalogııalyq ortalyqtarynda sheberlik shyńdaǵan ol búginde reflaksııalyq hırýrgııany júrgizýshi aımaqtaǵy neken-saıaq maman retinde osynaý dertke ushyraýshylardyń qaıtadan ómirdiń shattyǵy men qyzyǵyna bólenýine saýabyn tıgizip keledi. О́z isiniń has sheberligine qosa mamandyǵyna baılanysty medısınalyq zertteýlermen shuǵyldanyp, 30-ǵa tarta eńbektiń avtory retinde ǵylymı ortaǵa da tanylǵan.
Elena Baqtııarqyzynyń saraptaýy boıynsha elimizdegi árbir 10-shy adam kóz dertine ushyraýshylardan eken. О́kinishke qaraı, birazy aq shel túsip, asqynǵan shaqta ǵana emdelýge keletin kórinedi. «Mundaı nemquraıdylyqtyń aldyn alý kerek. Biz óz tarapymyzdan medısınalyq kómekke tilek bildirýshilerdiń eshqaısysyn nazardan tys qaldyrmaýǵa tyrysamyz. Klınıkamyzdyń qyzmeti soǵan laıyqtalǵan. Ýltradybysty fakoemılsıfıkator, vıtreoretınaldy mıkrohırýrgııalyq, kompıýterlik júıe, lazerlik tehnologııa tárizdi eń ozyq qondyrǵylardy paıdalaný arqyly janardy qalpyna keltiremiz. Oftalmologterge qatelesýge bolmaıdy. Mindetimizdiń qıyndyǵy da, jaýapkershiligi de sonda», deıdi ol.
Bıken Ahmetova,
jýrnalıst.
Qaraǵandy.
Tirlikte aıtyp kelmeıtin aýrýlardan eshkim aýlaq emes. Qaı-qaısysy da aýyr. Al oılamaǵan tustan kóz janary munarlanyp, buǵan deıingi jap-jaryq dúnıe tas túnek bolyp qalsa she? Ondaı jaǵdaıǵa tap keletin adamdardyń álemde az kezdespeýi ómir shyndyǵy. Bul jaıt bizdiń elimiz azamattary basynda da bar ekeni málim.
Táýbe dersiń, bir táýiri osy syrqattyń aldyn alyp, der kezinde emdeýde otandyq medısına áleýeti eshkimnen kem emestigi kóńil ósiredi. Aýrýyna shıpa izdeýshilerdiń alysqa at sabyltpaı-aq, óńirlerdiń ózinde saýyǵa alýyna múmkindik jetkilikti desek, sonyń biri jáne biregeıi turǵysynda Qaraǵandydaǵy «Glazalık» klınıkasyn ataýǵa bolar edi. Kózdi emdeýdiń san túrli tehnologııasymen jaraqtanyp, ony biliktilikpen qoldanatyn osy mekemeniń qyzmeti týraly aıtylǵanda aldymen bas dáriger Elena Baqtııarqyzy Baımuqanovanyń orny bólek deýge bolady. О́zi de dárigerler otbasynda ósken, búkil erik-jigerin kóz derti taýqymetin tartýshylarǵa kómekke sarp etken ol adamnyń eń názik múshesine 10 myńnan astam mıkrohırýrgııalyq ota jasaǵan. Izraıl, Fransııa, Shvesııa, Italııa, Túrkııa elderiniń oftalmalogııalyq ortalyqtarynda sheberlik shyńdaǵan ol búginde reflaksııalyq hırýrgııany júrgizýshi aımaqtaǵy neken-saıaq maman retinde osynaý dertke ushyraýshylardyń qaıtadan ómirdiń shattyǵy men qyzyǵyna bólenýine saýabyn tıgizip keledi. О́z isiniń has sheberligine qosa mamandyǵyna baılanysty medısınalyq zertteýlermen shuǵyldanyp, 30-ǵa tarta eńbektiń avtory retinde ǵylymı ortaǵa da tanylǵan.
Elena Baqtııarqyzynyń saraptaýy boıynsha elimizdegi árbir 10-shy adam kóz dertine ushyraýshylardan eken. О́kinishke qaraı, birazy aq shel túsip, asqynǵan shaqta ǵana emdelýge keletin kórinedi. «Mundaı nemquraıdylyqtyń aldyn alý kerek. Biz óz tarapymyzdan medısınalyq kómekke tilek bildirýshilerdiń eshqaısysyn nazardan tys qaldyrmaýǵa tyrysamyz. Klınıkamyzdyń qyzmeti soǵan laıyqtalǵan. Ýltradybysty fakoemılsıfıkator, vıtreoretınaldy mıkrohırýrgııalyq, kompıýterlik júıe, lazerlik tehnologııa tárizdi eń ozyq qondyrǵylardy paıdalaný arqyly janardy qalpyna keltiremiz. Oftalmologterge qatelesýge bolmaıdy. Mindetimizdiń qıyndyǵy da, jaýapkershiligi de sonda», deıdi ol.
Bıken Ahmetova,
jýrnalıst.
Qaraǵandy.
