Bas daýysty Barseg Týmanıanniń «Astana Opera» trýppasyn tolyqtyrýy óner oshaǵyndaǵy eleýli oqıǵanyń biri sanalady.
Mamyrdyń 18-i men 27-si aralyǵynda «Astana Opera» teatrynda jyldaǵy dástúr boıynsha ártisterdi irikteý baıqaýy ótken bolatyn. Mine, osy tańdaýdyń nátıjesi taǵy bir belgili esimdi jaqynnan tanyp-bilýimizge jol ashyp berip otyr. Eske sala keteıik, teatr trýppasynyń ártisteri negizinen shart boıynsha bir jylǵa jumysqa qabyldanyp jáne osy merzim aıaqtalǵanda, olar ózderiniń kásibı deńgeılerin qaıta rastaıtyn attestasııa tapsyrýlary tıis. Álemdik teatrlar tájirıbesinen úlgi retinde engen mundaı júıe ártisterdiń qashanda izdenip, sergek júrýine, biliktilikti arttyryp, bıik maqsatty mejeleýine septigin tıgizeri sózsiz.
Baıqaýdyń qazylar alqasy «barmaq basty, kóz qystyǵa» barmaıtyn óz isiniń naǵyz sheberleri bolyp sanalady. Oǵan otandyq mamandarmen qatar, Almanııa, Grekııa, Italııa, Reseı jáne Ýkraına sııaqty elderdiń eń bedeldi tulǵalary shaqyrtyldy. Dodada tek Qazaqstannyń ártisteri ǵana emes, alys-jaqyn shetelderden kelgen talapkerler baq synap kórdi. Jalpy, óner synyna bas-aıaǵy 468 adam qatysyp, baıqaýdan olardyń 332-si súrinbeı ótken edi.
Osy kúnder teatrdyń operalyq trýppasy úshin este qalar erekshe sát bolyp sanalady. Sahna úni qaıtalanbas ǵajap ári tamasha bas daýsynyń ıesi, Armenııanyń halyq ártisi, álemdik opera ónerinde ózindik orny bar Barseg Týmanıanmen tolyǵýy eshkim kútpegen tosyn syı bolǵany ras. Aıta ketetin taǵy bir jaıt, opera solısteriniń quramy ózgergen joq, negizgi oryndaýshylar óz oryndaryn saqtap qaldy. Tek olardyń pozısııasy ǵana ózgerip otyr. Mysaly, keıbir ártister sahnanyń jetekshi solısteri deńgeıine kóterildi. Baıqaý 49 adamnyń kásibı deńgeıin aıqyndasa, joǵary básekelestik, ásirese, ánshi qyz-kelinshekter (soprano) arasynda óte qyzý qarqynmen ótti. Teatr talabyna 24 úmitkerdiń tek 9-y ǵana tolyqqandy jaýap berdi.
Reseıdiń eńbek sińirgen ártisi, «Máskeýdiń asqan sheberleri» orkestriniń birinshi skrıpkashysy jáne solısi, Máskeý Konservatorııasynyń ustazy, halyqaralyq baıqaýlardyń laýreaty, Salasgrıvadaǵy (Latvııa) klassıkalyq mýzykanyń halyqaralyq festıvaliniń uıymdastyrýshysy Alekseı Lýndın orkestr ártisteri týraly: «О́te jaqsy áserde qaldym. Orkestrdiń ortasha dep atalatyn deńgeıiniń ózi men úshin óte joǵary bolyp esepteledi, ásirese, meni jekelegen mýzykanttardyń sheberligi tańǵaldyrdy, al keıbir úrmeli aspaptar tobynyń keremettigi sonshalyq, Máskeýdegi áriptesterimmen salystyrǵanda, munda emin-erkin tańdaý jasaýǵa múmkindik mol. Mýzykanttar kásibı deńgeıleriniń joǵary ekenin kórsetti. Saıysqa ótinim bergender arasynda ekinshi kýrsta oqyp júrip, jumys kestesine úlgerý kerektigin oılamaı kelgender de boldy, árıne, bulaı isteý múmkin emes», – dep pikir bildirdi. О́ner sheberiniń oıynsha, «Astana Opera» teatrynyń mýzykanttary konkýrsqa qatysýshy ózge áriptesterinen oq boıy ozyq kórinedi. Atap aıtar bolsaq, naqyshyna keltirip oınaý, ekpinniń tazalyǵy, mátindi oqýdaǵy uqyptylyq sııaqty jetistikter joǵary klasty orkestrdiń tártipke saı tárbıelengenin ańǵartady. Saıys nátıjesinde orkestr quramy 20 mýzykantpen tolyqty.
Al, hor quramy ózgeriske ushyraı qoıǵan joq. Balettik trýppanyń negizgi quramy saqtalyp, 17 men 23 jas aralyǵyndaǵy kordebalet 12 adamǵa ulǵaıdy. Sonymen qatar, balet ártisteriniń baǵyt-baǵdarynan ájeptáýir ózgeris baıqaldy: kordebalettegi birneshe adam solıst atansa, al trýppa jetekshi solıstiń ornyn ıelengen Jandos Áýbákirovpen kóbeıdi. «Astana Opera» baletiniń kórkemdik jetekshisi Tursynbek Nurqalıevtiń aıtýynsha, baıqaýdan súrinbeı ótken solıster úmitti aqtap shyǵaryna senim mol. Komıssııany KSRO halyq ártisi, asa kórnekti bıshi, Úlken teatrdyń prıma balerınasy Lıýdmıla Semenıaktiń basqarýyn baıqaýdyń óte joǵary deńgeıde ótkenin sózsiz uǵyndyratyn aıǵaq dep bilemiz. Balet bilgiri «Astana Opera» teatrynyń balettik trýppasy týraly aıta kelip: «kásibı deńgeıi óte joǵary trýppa» degen baǵa berdi.
Jetiqara QOŃYR.
ASTANA.
Mamyrdyń 18-i men 27-si aralyǵynda «Astana Opera» teatrynda jyldaǵy dástúr boıynsha ártisterdi irikteý baıqaýy ótken bolatyn. Mine, osy tańdaýdyń nátıjesi taǵy bir belgili esimdi jaqynnan tanyp-bilýimizge jol ashyp berip otyr. Eske sala keteıik, teatr trýppasynyń ártisteri negizinen shart boıynsha bir jylǵa jumysqa qabyldanyp jáne osy merzim aıaqtalǵanda, olar ózderiniń kásibı deńgeılerin qaıta rastaıtyn attestasııa tapsyrýlary tıis. Álemdik teatrlar tájirıbesinen úlgi retinde engen mundaı júıe ártisterdiń qashanda izdenip, sergek júrýine, biliktilikti arttyryp, bıik maqsatty mejeleýine septigin tıgizeri sózsiz.
Baıqaýdyń qazylar alqasy «barmaq basty, kóz qystyǵa» barmaıtyn óz isiniń naǵyz sheberleri bolyp sanalady. Oǵan otandyq mamandarmen qatar, Almanııa, Grekııa, Italııa, Reseı jáne Ýkraına sııaqty elderdiń eń bedeldi tulǵalary shaqyrtyldy. Dodada tek Qazaqstannyń ártisteri ǵana emes, alys-jaqyn shetelderden kelgen talapkerler baq synap kórdi. Jalpy, óner synyna bas-aıaǵy 468 adam qatysyp, baıqaýdan olardyń 332-si súrinbeı ótken edi.
Osy kúnder teatrdyń operalyq trýppasy úshin este qalar erekshe sát bolyp sanalady. Sahna úni qaıtalanbas ǵajap ári tamasha bas daýsynyń ıesi, Armenııanyń halyq ártisi, álemdik opera ónerinde ózindik orny bar Barseg Týmanıanmen tolyǵýy eshkim kútpegen tosyn syı bolǵany ras. Aıta ketetin taǵy bir jaıt, opera solısteriniń quramy ózgergen joq, negizgi oryndaýshylar óz oryndaryn saqtap qaldy. Tek olardyń pozısııasy ǵana ózgerip otyr. Mysaly, keıbir ártister sahnanyń jetekshi solısteri deńgeıine kóterildi. Baıqaý 49 adamnyń kásibı deńgeıin aıqyndasa, joǵary básekelestik, ásirese, ánshi qyz-kelinshekter (soprano) arasynda óte qyzý qarqynmen ótti. Teatr talabyna 24 úmitkerdiń tek 9-y ǵana tolyqqandy jaýap berdi.
Reseıdiń eńbek sińirgen ártisi, «Máskeýdiń asqan sheberleri» orkestriniń birinshi skrıpkashysy jáne solısi, Máskeý Konservatorııasynyń ustazy, halyqaralyq baıqaýlardyń laýreaty, Salasgrıvadaǵy (Latvııa) klassıkalyq mýzykanyń halyqaralyq festıvaliniń uıymdastyrýshysy Alekseı Lýndın orkestr ártisteri týraly: «О́te jaqsy áserde qaldym. Orkestrdiń ortasha dep atalatyn deńgeıiniń ózi men úshin óte joǵary bolyp esepteledi, ásirese, meni jekelegen mýzykanttardyń sheberligi tańǵaldyrdy, al keıbir úrmeli aspaptar tobynyń keremettigi sonshalyq, Máskeýdegi áriptesterimmen salystyrǵanda, munda emin-erkin tańdaý jasaýǵa múmkindik mol. Mýzykanttar kásibı deńgeıleriniń joǵary ekenin kórsetti. Saıysqa ótinim bergender arasynda ekinshi kýrsta oqyp júrip, jumys kestesine úlgerý kerektigin oılamaı kelgender de boldy, árıne, bulaı isteý múmkin emes», – dep pikir bildirdi. О́ner sheberiniń oıynsha, «Astana Opera» teatrynyń mýzykanttary konkýrsqa qatysýshy ózge áriptesterinen oq boıy ozyq kórinedi. Atap aıtar bolsaq, naqyshyna keltirip oınaý, ekpinniń tazalyǵy, mátindi oqýdaǵy uqyptylyq sııaqty jetistikter joǵary klasty orkestrdiń tártipke saı tárbıelengenin ańǵartady. Saıys nátıjesinde orkestr quramy 20 mýzykantpen tolyqty.
Al, hor quramy ózgeriske ushyraı qoıǵan joq. Balettik trýppanyń negizgi quramy saqtalyp, 17 men 23 jas aralyǵyndaǵy kordebalet 12 adamǵa ulǵaıdy. Sonymen qatar, balet ártisteriniń baǵyt-baǵdarynan ájeptáýir ózgeris baıqaldy: kordebalettegi birneshe adam solıst atansa, al trýppa jetekshi solıstiń ornyn ıelengen Jandos Áýbákirovpen kóbeıdi. «Astana Opera» baletiniń kórkemdik jetekshisi Tursynbek Nurqalıevtiń aıtýynsha, baıqaýdan súrinbeı ótken solıster úmitti aqtap shyǵaryna senim mol. Komıssııany KSRO halyq ártisi, asa kórnekti bıshi, Úlken teatrdyń prıma balerınasy Lıýdmıla Semenıaktiń basqarýyn baıqaýdyń óte joǵary deńgeıde ótkenin sózsiz uǵyndyratyn aıǵaq dep bilemiz. Balet bilgiri «Astana Opera» teatrynyń balettik trýppasy týraly aıta kelip: «kásibı deńgeıi óte joǵary trýppa» degen baǵa berdi.
Jetiqara QOŃYR.
ASTANA.
