Jańa bilim ordasy Bóribaı bı aýylynda boı kóterdi. Modýldi konstrýksııalardy qoldanýdyń kómegimen mektep 6 aıda turǵyzylǵan. Ǵımarattyń jalpy alańy 1 440 sharshy metrden asady, 13 kabınet qajetti quraldarmen jabdyqtalǵan. Jobanyń jalpy quny – 1,4 mlrd teńge. Mundaǵy fýtbol alańy, sportzal aýyl balalarynyń turaqty túrde sportpen aınalysýyna múmkindik týǵyzbaq.
«Jańa mektep maǵan qatty unady, ishi jaryq, jyly. Burynǵy eski mektepte kabınetter tar edi, ásirese úzilis kezinde qolaısyz bolatyn», deıdi Á.Bókeıhan atyndaǵy mekteptiń oqýshysy Ajar Álimova.
Jarkent qalasynda 284 oryndy balabaqsha ashyldy. Jeke kásipker oǵan shamamen 300 mln teńgedeı ınvestısııa salǵan. Jańa nysanda 30 adam jumyspen qamtylady. Kásipker Muratjan Zýbarshaevtyń aıtýynsha, bul – Balalar jyly aıasynda ashyp otyrǵan alǵashqy nysany. Panfılov aýdanynyń ákimi Marat Saǵymbektiń sózine súıensek, bıyl Jarkent óńirinde birneshe nysan iske qosylǵan eken.
«Byltyr mesenattardyń kómegimen aýyldarda 4 sport kesheni ashyldy. Endi besinshisin ashamyz. Bul halyqtyń densaýlyǵyn nyǵaıtýǵa, buqaralyq sportty damytýǵa múmkindik beredi», deıdi M.Saǵymbek.
Jańa sport zalynyń jalpy alańy – 250 sharshy metr. Oǵan 150 mln teńge ınvestısııa tartylǵan. 15 jańa jumys orny ashyldy. Kásipker Arman Muratjan ózine kórsetilgen qoldaýǵa rızashylyǵyn jetkizip, qoǵamǵa paıdaly is atqarý ortaq mindet ekenin atap ótti.
Jetisý oblysy
