Indýstrııa jáne ınfraqurylymdyq damý mınıstri Marat Qarabaevtyń habarlaýynsha, búgingi tańda TMK-nyń IJО́-degi úlesi 8,5%-dy quraıdy. 2022 jyly salada jalpy quny 232 mlrd teńge bolatyn 19 jańa ınvestısııalyq joba iske asyrylyp, 3,5 myń turaqty jumys orny ashyldy. Jalpy 11 aıda ónim shyǵarý kólemi 11,4 trln teńgege jetti (ósim 17%). Negizgi kapıtalǵa salynǵan ınvestısııalar 1 trln teńgeden asty (ósim 14,8%).
Indýstrııa jáne ınfraqurylymdyq damý mınıstriniń aıtýynsha, Qazaqstan paıdaly qazbalar qory boıynsha álemde jetekshi oryndardyń qatarynda. Osyǵan baılanysty TMK-nyń básekege qabilettiligin arttyrý úshin aldaǵy jyldary mıneraldy-shıkizat bazasyn tolyqtyrý, jer qoınaýyn paıdalanýshylardyń biryńǵaı platformasynda bıznes-prosesterdi ońaılatý jáne avtomattandyrý, bazalyq metaldardy daıyn ónim túrine deıin óńdeýdi tereńdetý jáne t. b. boıynsha sharalar qabyldanatyn bolady.
Premer-mınıstr salany damytý jóninde memleket josparlap otyrǵan sharalar men bıznestiń syndarly usynystary aldaǵy bes jyldyq kezeńge arnalǵan salalyq tujyrymdamalarda kórinis tabatynyn atap ótti. Bul rette ol nysanaly kórsetkishter men ındıkatorlardy naqty iske asyrý ýaqytyn kórsete otyryp, belgileý qajettigin atap ótti.
Otyrys barysynda bıznes pen sarapshylar qaýymdastyǵynyń ókilderi geologııalyq salany jáne jer qoınaýyn paıdalanýdy odan ári damytý, TMK ınvestısııalyq tartymdylyǵyn arttyrý, salyq salý, sıfrlandyrý, kóliktik qamtamasyz etý jáne jańa ekologııalyq talaptardy engizý máselelerin kóterdi.
Álıhan Smaıylov Úkimet TMK-nyń ınvestısııalyq tartymdylyǵyn arttyrý úshin ónerkásiptik óndirýdi 2022 jylǵy 31 jeltoqsannan keıin bastaıtyn jobalardy bes jylǵa deıingi merzimge paıdaly qazbalardy óndirý salyǵynan bosatý týraly sheshim qabyldaǵanyn eske saldy.
«Biz ekonomıka salalaryn, onyń ishinde taý-ken metallýrgııa keshenin qoldaý jáne damytý úshin taǵy qandaı sharalardy qabyldaýǵa bolatynyn bıznespen birge qaraımyz. Úkimet dıalogqa qashanda daıyn jáne barlyq usynystardy tyńdaýǵa ázir. Bul rette memleket pen bıznes múddeleriniń teńgerimin ári qaraı saqtaýǵa tyrysamyz», dep túıindedi Álıhan Smaıylov.
