Almaty oblysyndaǵy apattan 3 adam qaza taýyp, 15 adam zardap shekti

ASTANA. 10 maýsym. Keshe Almaty oblysynda oryn alǵan jol-kólik oqıǵasy saldarynan 3 adam qaza taýyp, 15 adam ártúrli deńgeıdegi jaraqat aldy. Bul týraly oblystyq ishki ister departamenti baspasóz qyzmetiniń deregine siltememe jasaǵan Tengrinews.kz habarlady. Polısııa qyzmetkerleriniń málimdeýine qaraǵanda, jol-kólik oqıǵasy Almaty-О́skemen baǵytyndaǵy tas joldyń boıynda Mitsubishi Delica jeńil avtokóligi men Mercedes Sprinter shaǵyn avtobýsynyń soǵylysýynan bolǵan. Ishki ister departamenti jol kólik apatynan 15 adamnyń zardap shekkenin málimdedi.  Olarǵa atalmysh oqıǵa jaıynda jeńil avtokólikte bolǵan jolaýshylar habarlaǵan. Oqıǵa ornynda ishki ister departamentiniń qyzmetkerleri men medısına qyzmetkerleri jumys isteýde. Qazir apattyń qalaı bolǵany anyqtalý ústinde. Eske sala keteıik, Almaty oblysynda  28 sáýir kúni adam ólimine aparyp soqtyrǵan taǵy bir jol kólik apaty oryn alǵan bolatyn. Bul apatta Lexus avtokóligi Almaty-Bishkek jolynda aýdarylyp qalyp, 5 adam qaıtys boldy. «Djıpti basqaryp otyrǵan 47 jastaǵy áıel men úsh jolaýshy oqıǵa ornynda qaıtys bolyp, úsh er adam Uzynaǵash aýylyndaǵy aýrýhanaǵa jatqyzylǵan. Olardyń bireýi esin jımastan sol aýrýhanada kóz jumdy. Al qalǵan ekeýi qazir dárigerlerdiń baqylaýynda» - dedi ishki ister departamentiniń qyzmetkerleri. Bas prokýratýranyń esebinshe, 2014 jyldyń sońǵy úsh aıynda jol kólik apatynan 383 adam kóz jumyp, 728 adam túrli jaraqat alǵan. Qurysh Nurymbet. Derekkóz: tengrinews.kz. Foto: Foto vesti.kz.