Eýrazııalyq ekonomıkalyq odaqtyń qurylýy tarıhı oqıǵa

ASTANA. 10 maýsym. Shyǵys Qazaqstan oblysynyń ǵalymdary Eýrazııalyq ekonomıkalyq odaq quramynda elimizdiń damý perspektıvalaryn talqylady. Bul týraly egemen.kz tilshisi talqylady. D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde professor-oqytýshylar, doktoranttar men magıstranttartyń qatysýymen jıyn ótti. Onda Eýrazııalyq ekonomıkalyq odaq qurý týraly shartqa qol qoıylýynyń mańyzdylyǵy sóz boldy. Shyǵysqazaqstandyq ǵalymdar áriptes úsh memlekettiń Eýrazııalyq ekonomıkalyq odaqqa birigýin álem halqyn eleń etkizgen tarıhı oqıǵa dep esepteıdi. Basqosýda Shyǵys Qazaqstan memlekettik tehnıkalyq ýnıversıtetiniń rektory Nurlan Temirbekov: «Eýrazııalyq ıntegrasııaǵa qatysýshy  – Qazaqstan, Reseı, Belarýs elderi yntymaqtastyǵynyń jańa mańyzdy beti bastalady. Bul ıntegrasııa ekonomıka, bilim berý, medısına, mádenıet jáne týrızm baǵyttary boıynsha ózara is-árekettiń jańa deńgeıine qol jetkizýge múmkindik beredi», – dedi. Ǵalymdar, Eýrazııalyq ekonomıkalyq odaqtyń qurylýy  úsh eldiń ekonomıkalyq damýyn jedeldetýge yqpal etetindigine nazar aýdardy. Joldybaı Bazar. Derekkóz: egemen.kz. Foto: egemen.kz.