Onyń aıtýynsha, Qazaqstannyń eki azamaty Ońtústik-Shyǵys Azııada eńbek quldyǵyna túsken.
«О́tken jyldyń jeltoqsan aıynyń sońynda olar bizdiń Taılandtaǵy elshiligimizben baılanysqa shyqty. Olardyń ata-analary da bizge júgindi. Ne aıta alamyz? Bul alǵash ret bolyp jatqan jaǵdaı emes», dedi Aıbek Smadııarov.
Syrtqy saıasat vedomstvosynyń resmı ókili birneshe aı buryn taǵy bir qazaqstandyq osyndaı jaǵdaıǵa tap bolǵanyn eske saldy. Ol kezde Anel Bermaǵanbetova Laostaǵy eńbek quldyǵyna túsken edi. Oǵan sol jerden oralýǵa búkil el jumyla kómektesken.
«Qazir jaǵdaı ońaı emes, memlekettik organdardyń ǵana emes, úkimettik emes uıymdardyń da kómegi qajet. Onda Qazaqstan azamattarymen qatar basqa elderdiń azamattary da bar. Sondyqtan másele keshendi sheshimdi qajet etedi. Degenmen, másele Taılandtaǵy elshiligimizdiń erekshe baqylaýynda. Konsýl otandastarymyzben sóılesti. Másele oń sheshiledi dep úmittenemiz», dep túsindirdi Aıbek Smadııarov.
Qorytyndylaı kele, ol qazaqstandyqtarǵa shetelge jumysqa barar aldynda kelisimsharttardyń talaptarymen tanysýǵa keńes berdi.
«Men bizdiń azamattarymyzǵa eskertý jasaǵym keledi. Shetelge jumysqa shyqpas buryn, barlyq kelisimsharttardy muqııat oqyp shyǵyńyz. Sebebi bul sizdiń jeke jaýapkershiligińiz, ol sizge búıirden shyǵýy múmkin», dedi Aıbek Smadııarov.
Eske sala ketsek, Laosta eńbek quldyǵyna túsken qazaqstandyq Anel Bermaǵanbetova 2022 jyldyń 26 tamyzynda úıine oraldy. Qyzdy Qytaıdan Laosqa aldap áketken eken. Aneldiń týystary polısııaǵa, Vetnam, Taıland jáne Laos SIM elshilikterine júginýge májbúr bolǵan. Quqyq qorǵaý organdarynyń málimdeýinshe, bul fakti boıynsha qylmystyq is qozǵaldy.
