Erkin Qadyrbekuly Ahınjanov Qazaqstan Respýblıkasynyń Norvegııa Koroldigindegi Tótenshe jáne О́kiletti Elshisi laýazymynan bosatylyp, Qazaqstannyń Ońtústik Afrıka Respýblıkasyndaǵy Tótenshe jáne О́kiletti Elshisi bolyp taǵaıyndaldy.
Ol 1968 jyldyń 28 qyrkúıeginde Almaty qalasynda týǵan. 1992 jyly Almaty pedagogıkalyq shet tilder ınstıtýtyn bitirgen.
1992 jyly – Qazaq memlekettik ekonomıkalyq ýnıversıtetiniń aǵylshyn tili oqytýshysy.
О́ziniń dıplomatııalyq mansabyn 1993 jyly QR SIM Konsýldyq basqarmasynyń referenti qyzmetinen bastaǵan.
1994-2005 jyldary Qazaqstan SIM ortalyq apparatynda, sondaı-aq Úndistandaǵy QR Elshiliginde ártúrli laýazymdarda jumys istedi.
2005 jyly QR SIM Jalpyeýropalyq yntymaqtastyq departamentiniń dırektory laýazymyna taǵaıyndaldy.
2008-2009 jyldary QR SIM Eýropadaǵy qaýipsizdik jáne yntymaqtastyq uıymy departamentiniń dırektory boldy.
2009-2011 jyldary EQYU janyndaǵy QR Turaqty ókiliniń orynbasary bolǵan.
2011-2012 jyldary – Venadaǵy halyqaralyq uıymdar janyndaǵy QR Turaqty ókiliniń orynbasary.
2012-2014 jyldary QR SIM Eýropa departamentiniń dırektory boldy.
2014-2017 jyldary Qazaqstannyń AQSh-taǵy Elshiliginiń keńesshi-ýákili, 2017-2018 jyldary Nıý-Iorktegi BUU janyndaǵy QR Turaqty ókiliniń orynbasary boldy.
Qazaqstannyń Ońtústik Afrıka Respýblıkasyndaǵy Elshisi bolyp taǵaıyndalǵanǵa deıin 2019 jyldyń sáýirinen bastap Qazaqstannyń Norvegııadaǵy Elshisi boldy.
Aıta ketsek, Erkin Ahınjanov I synypty Tótenshe jáne О́kiletti Ýákil dıplomatııalyq dárejege ıe.
