2020 jyly jańǵyrtylyp kógildir otynǵa qosylǵan qazandyq arqyly 70-ten astam kópqabatty jáne jeke sektordaǵy 112 úı jylytylady. Sonymen birge 8 memlekettik mekeme men 97 bıznes jáne ózge de ortalyqtar jylýmen qamtamasyz etiledi. Qazir atalǵan nysandarǵa nasosty stansalar arqyly jylý berilip jatyr. Arnaıy qurylǵan komıssııa jarylystyń neden týyndaǵanyn anyqtaıtyn bolady. Mamandar apat ornyn tazalap, qosymsha peshti iske qosty.
«Qazirgi tańda qalada 10 qazandyq bar. Onyń ishindegi beseýin gazǵa aýystyrǵanbyz. Qalǵan beseýi kómir jaǵady. Budan bólek mektepterdiń óz qazandyǵy bar. Aýrýhanalardyń keıbiriniń jeke qazandyǵy bar. Bári qalypty deńgeıde jumys istep jatyr. Jylýmen qamtamasyz etý tolyq júrgizilýde», qala ákimi Áset Masabaev.
Aıta ketelik, qaladaǵy jylý júıesiniń 62 paıyzy eskirgen. Qala ákiminiń aıtýynsha, qubyrlar men jylytý qazandyqtaryn jańǵyrtý úshin bes jyldyq jospar jasalǵan. Soǵan sáıkes aýystyrý, jóndeý jumystary júrgiziledi.
Jetisý oblysy
