OSK basshysynyń aıtýynsha, saılaý komıssııalary usynǵan málimetterge sáıkes, bıýlletenderge 55 kandıdat engizilgen.
«Almaty qalasynan tórt úmitker, Almaty, Jetisý, Jambyl, Pavlodar, Soltústik Qazaqstan, Túrkistan oblystarynyń árqaısysynan eki úmitkerden, qalǵan Astana, Almaty jáne Shymkent qalalarynan úsh kandıdattan tirkeldi», dedi Nurlan Ábdirov.
Ol respýblıka boıynsha saılaýshylar tizimine 3 168 máslıhat depýtaty engizilgenin, olardyń aıtarlyqtaı bóligi Túrkistan oblysynda (317 saılaýshy) jáne Qostanaı oblysynda (263 saılaýshy) ekenin qosa aıtty.
«Azamattardyń ómirin qamtamasyz etý jáne qorǵaý maqsatynda depýtattardyń saılaý naýqanynyń barlyq kezeńderinde Qazaqstan Respýblıkasy Parlamenti Senatynyń saılaý komıssııalary bas memlekettik dárigerdiń usynystaryn basshylyqqa aldy», dedi OSK basshysy.
О́z kezeginde bas memlekettik sanıtarlyq dáriger Aıjan Esmaǵambetova koronavırýs, tumaý jáne JRVI aýrýynyń jaı-kúıi boıynsha qolaısyz sanıtarlyq-epıdemıologııalyq jaǵdaıǵa baılanysty saılaýdy keń bólmelerde jáne saılaýshylarda medısınalyq maskalar bolǵan jaǵdaıda ótkizýdi usyndy.
Eske sala ketsek, 2022 jyldyń 26 qarashasynda Qasym-Jomart Toqaev «Qazaqstan Respýblıkasy Parlamenti Senaty depýtattarynyń saılaýyn 2023 jyldyń 14 qańtarynda ótkizý týraly» jarlyqqa qol qoıǵan edi.
