«Aýyldyń ál aýqatyn jaqsartý maqsatynda «Aýyl-el besigi» jobasyn iske asyrý úshin eleýli jumystar atqarylyp keledi. 2027-shi jylǵa qaraı 3,5 myń aýyldyq eldi mekenderdi standarttyq júıege saı damytý kózdelip otyr. Sonymen qatar aýyldarda sapaly joldar men mádenıet, sport jáne densaýlyq saqtaý obektileri, mektepter mindetti túrde bolýy tıis, sondaı-aq aýyl ınfraqurylymyn damytýǵa basa mán beriledi. Bizdiń basty maqsatymyz – aýyldaǵy ómir sapasyn jaqsartý», dedi Premer-mınıstr.
Mınıstr aýyldardy damytýǵa baǵyttalǵan sharalardyń nátıjesine kóńili tolmaıtynyn jasyrmady.
«О́tken jyldary «Aýyl – el besigi» jobasy sheńberinde turǵyn-úı kommýnaldyq sharýashylyq, kólik, bilim berý, densaýlyq saqtaý, mádenıet jáne sport salalary boıynsha jalpy quny 326 mlrd teńgege 3,6 myń joba iske asyryldy. Atyraý, Qostanaı, Soltústik Qazaqstan, Túrkistan oblystarynda bólingen qarajatty ıgerý jáne jobalardy paıdalanýǵa berý qarqyny jaqsy. Al, keıbir óńirlerde bul jumys aqsap tur. Máselen, Ulytaý jáne Batys Qazaqstan oblystarynda qarjyny ıgerý jáne jobalardy iske qosý deńgeıi tómen. Atalǵan óńir ákimderi «Aýyl – el besigi» jobasyn iske asyrýǵa erekshe nazar aýdarýy tıis. Ásirese jobalardyń ýaqytyly oryndalýyn qatań baqylaýǵa alý kerek», dedi Álıhan Smaıylov.
Gúlshahra SANSYZBAI
