Qarjy pıramıdasyn qurdy degen aıyppen 6 adamnan qurylǵan qylmystyq top qamaýda otyr.
«Is materıaldaryna sáıkes, jaýapker A. 2019-2020 jyldary uıymdasqan topty, sondaı-aq qarjy pıramıdasyn «Paıdaly depozıt» JShS, ıaǵnı jeke jáne zańdy tulǵalardan aqsha tartý arqyly tabys ákeletin uıym quryp, ony basqarǵan. Bul uıym salymshylarǵa basqa azamattardyń aqshalaı jarnalary esebinen kiris alýǵa ýáde bergen. Jalpy shyǵyn 4 mıllıard teńgeden asady, al onyń ishinde 700-den astam adam zardap shekken. Elimizdiń úsh oblysynda qylmystyq quqyq buzýshylyqtar jasaldy. Sottalýshylar kinásin moıyndaýdan bas tartty, keltirilgen zalal ótelmedi», dep habarlady sottyń baspasóz qyzmetinen.
Sot qarjy pıramıdasynyń basshysyn 7 jyl merzimge kommersııalyq jáne qarjylyq uıymdarda basshylyq qyzmet atqarý quqyǵynan aıyra otyryp, 10 jylǵa bas bostandyǵynan aıyrdy.
Qylmystyq toptyń qalǵan bes múshesi 7 jyl merzimge kommersııalyq jáne qarjylyq uıymdarda basshylyq qyzmet atqarý quqyǵynan aıyrylyp, 8 jylǵa sottaldy.
