Qazaqstan men BAÁ Prezıdentteriniń birlesken málimdemesi 12 tarmaqtan turady:
1. Qazaqstan Respýblıkasynyń Prezıdenti Joǵary Mártebeli Qasym-Jomart Toqaev Birikken Arab Ámirlikteriniń Prezıdenti Bıik Mártebeli sheıh Muhammed ben Zaıd Ál Nahaıannyń shaqyrýymen 2023 jylǵy 16-18 qańtarda Birikken Arab Ámirlikterine resmı sapar jasady.
2. Prezıdentter kezdesý barysynda saıası-dıplomatııalyq, saýda-ekonomıkalyq jáne mádenı yntymaqtastyqty keńeıtý joldaryn qarastyryp, birqatar halyqaralyq jáne óńirlik máseleler boıynsha pikir almasty.
3. Memleket basshylary Qazaqstan men Ámirlikter arasyndaǵy ekijaqty yntymaqtastyqtyń tyǵyz dıalog sheńberinde jáne ózara senim men syılastyq aýanynda damyp, eki el halyqtarynyń múddelerine oraı túrli saladaǵy seriktestiktiń nyǵaıyp kele jatqanyn atap ótti.
4. Taraptar eki el arasyndaǵy jemisti ekonomıkalyq seriktestiktiń mańyzdylyǵyn rastaı otyryp, ulttyq múddelerge sáıkes ekijaqty ekonomıkalyq yntymaqtastyqty ári qaraı tereńdetýge nıet bildirdi. Onyń ishinde jańartylatyn energetıka, azyq-túlik qaýipsizdigi men aýyl sharýashylyǵy, taý-ken, kólik-logıstıka, qurylys-development jáne halyqaralyq qarjy ortalyqtary arasyndaǵy yntymaqtastyq syndy perspektıvaly baǵyttardy talqylady.
Prezıdentter eki el arasyndaǵy Investısııalardy kótermeleý jáne ózara qorǵaý týraly kelisimniń ratıfıkasııalanýyn joǵary baǵalap, onyń ekijaqty ekonomıkalyq qarym-qatynastardy jańa deńgeıge kóteretinin atap ótti.
5. Taraptar mádenı almasýlardy tereńdetý, sondaı-aq týrızm, sport, bilim, ǵylym jáne densaýlyq saqtaý salalaryndaǵy yntymaqtastyqty keńeıtý halyqtardy jaqyndastyrýda, olardyń arasyndaǵy túsinistikti tereńdetýde, mádenıetterdi ózara baıytý men ekijaqty qatynastardy damytýda mańyzdy bolyp tabylatynyn atap ótip, osy salalardaǵy yntymaqtastyqty nyǵaıtýǵa kelisti.
6. Qazaqstan Respýblıkasynyń Prezıdenti Joǵary Mártebeli Qasym-Jomart Toqaev jáne Birikken Arab Ámirlikteriniń Prezıdenti Bıik Mártebeli sheıh Muhammed ben Zaıd Ál Nahaıan halyqaralyq qaýipsizdik pen ornyqty damý isterindegi Birikken Ulttar Uıymynyń rólin kúsheıtýge erekshe mán berdi.
О́z kezeginde, Qazaqstan Respýblıkasynyń Prezıdenti Joǵary Mártebeli Qasym-Jomart Toqaev Birikken Arab Ámirlikteriniń 2022-2023 jyldary Birikken Ulttar Uıymy Qaýipsizdik keńesiniń turaqty emes múshesi retindegi tıimdi rólin joǵary baǵalady.
7. Qazaqstan Respýblıkasynyń Prezıdenti Joǵary Mártebeli Qasym-Jomart Toqaev Birikken Arab Ámirlikteri ókilderiniń 2022 jylǵy 14-15 qyrkúıek aralyǵynda Astanada ótken Álemdik jáne dástúrli dinder lıderleriniń VII seziniń jumysyna belsendi túrde qatysqanyna alǵys bildirdi. Taraptar Sezdiń barlyq bastamalaryn, sondaı-aq din lıderleriniń dinaralyq, mádenıetaralyq jáne órkenıetaralyq dıalogqa járdemdesý jónindegi kúsh-jigerin jalǵastyrýǵa kelisti.
8. Birikken Arab Ámirlikteriniń Prezıdenti Bıik Mártebeli sheıh Muhammed ben Zaıd Ál Nahaıan dostas Qazaqstan Respýblıkasyna Dúnıejúzilik saýda uıymynyń 13-shi Mınıstrlik konferensııasyn 2024 jylǵy aqpan aıynda Ábý Dabı qalasynda ótkizýdi qoldaǵany úshin alǵysy men rızashylyǵyn bildirdi.
Sonymen qatar, Bıik Mártebeli Prezıdent Birikken Arab Ámirlikteriniń Shanhaı yntymaqtastyǵy uıymyna dıalog boıynsha seriktes retinde qosylýyna Qazaqstannyń qoldaý kórsetkeni úshin rızashylyǵyn bildirip, eki el arasyndaǵy kópjaqty yntymaqtastyq baǵytyndaǵy is-qımyldyń odan ári damı beretinine senim bildirdi.
9. Prezıdentter Azııadaǵy ózara is-qımyl jáne senim sharalary jónindegi keńesti tolyqqandy halyqaralyq uıymǵa aınaldyrýǵa jáne onyń áleýetin birlesip damytýǵa óz nıetteri men qoldaýlaryn bildirdi.
Taraptar halyqaralyq jáne óńirlik deńgeıde eki el kótergen halyqaralyq bastamalar beıbitshilikti, ornyqty damýdy jáne jalpyadamzattyq qundylyqtardy nyǵaıtýǵa qyzmet etetinin atap ótti.
10. Taraptar eki eldiń óńirlik jáne halyqaralyq aýqymda senim men ózara túsinistik ahýalyn ornatýǵa jáne qoldaýǵa degen umtylysyn, sondaı-aq halyqaralyq máselelerdi tek dıplomatııalyq quraldar arqyly beıbit jolmen sheshý qajettigin atap ótti.
11. Birikken Arab Ámirlikteriniń Prezıdenti Bıik Mártebeli sheıh Muhammed ben Zaıd Ál Nahaıan Qazaqstan Respýblıkasynyń Halyqaralyq bıologııalyq qaýipsizdik uıymyn qurý jónindegi bastamasyna qoldaý bildirdi.
12. Qazaqstan Respýblıkasynyń Prezıdenti Joǵary Mártebeli Qasym-Jomart Toqaev Birikken Arab Ámirlikteriniń Prezıdenti Bıik Mártebeli sheıh Muhammed ben Zaıd Ál Nahaıanǵa jyly shyraımen qabyldaǵany jáne joǵary deńgeıdegi qonaqjaılylyǵy úshin shynaıy alǵysyn bildirip, ony Qazaqstanǵa resmı saparmen kelýge shaqyrdy. Shaqyrý qabyldandy.
